රුපියල් ලක්ෂ 21ක මුදලක් කොල්ලකෑමේ සිද්ධියකට සම්බන්ධ සැකකරුවන් දෙදෙනෙක් ගල්කිස්ස කොට්ඨාශ අපරාධ විමර්ශන අංශයේ නිලධාරීන් විසින් අත්අඩංගුවට ගෙන තිබෙනවා.
කොල්ලය සඳහා යොදාගත් කුලී පදනම මත ලබාගත් වෑන් රථයක්, යතුරුපැදියක් සහ ත්රිරෝද රථයක් ද සමඟ මොවුන් රත්මලාන ප්රදේශයේ දී ඊයේ (22) අත්අඩංගුවට ගත් බවයි වාර්තා වන්නේ.
පසුගිය 04 වනදා මොරටුව ප්රදේශයේ පිහිටි වෙළඳසැලක සේවකයෙකු විසින් එහි රුපියල් ලක්ෂ 21කට අධික මුදලක් බැංකුවේ තැන්පත් කිරීමට රැගෙන යන අවස්ථාවේදී ඔහුව පැහැරගෙන ගොස් පහර දී මෙම කොල්ලකෑම සිදුකර ඇති බවයි අනාවරණය වී ඇත්තේ.
සිද්ධිය සම්බන්ධයෙන් මොරටුව පොලිසිය ලද පැමිණිල්ලක් මත සිදුකළ විමර්ශන වලදී අදාළ සැකකරුවන් අත්අඩංගුවට ගැනීමට හැකි වූ බවයි පොලිසිය සඳහන් කළේ.
අත්අඩංගුවට ගත් සැකකරුවන් අවුරුදු 45 සහ 50 යන වයස්වල පසුවන රත්මලාන සහ ගල්කිස්ස යන ප්රදේශවල පදිංචිකරුවන් බව සඳහන්.
සැකකරුවන් මොරටුව මහේස්ත්රාත් අධිකරණය හමුවට ඉදිරිපත් කිරීමට නියමිතව තිබුණා.
