2024 අංක 44 දරන මූල්ය කළමනාකරණ පනතේ විධිවිධාන අනුව මූල්ය විනිවිදභාවය සහ වගවීම ඉහළ නැංවීමේ අරමුණ ඇතිව මධ්ය කාලීන ක්රමෝපායන් සකස් කර ක්රියාත්මක කළ යුතු වන බව කැබිනට් මාධ්ය ප්රකාශක නලින්ද ජයතිස්ස පවසනවා.
එම පනතේ 11 වගන්තිය පරිදි මුදල් විෂය භාර අමාත්යවරයා විසින් මධ්ය කාලීන මූල්ය රාමුව සහිත මූල්ය ක්රමෝපාය ප්රකාශය වාර්ෂිකව සකස් කර ඉදිරිපත් කළ යුතු වේ. මුල්ය ක්රමෝපාය ප්රකාශය මඟින් ජාතික අයවැය සකස් කිරීම සඳහා වන උපායමාර්ගික පදනම සපයන අතර, එයට රජයේ මූල්ය අරමුණු, ඉලක්කයන් සහ ප්රතිපත්ති ඇතුළත් වන බවයි අමාත්යවරයා පෙන්වා දෙන්නේ.
රාජ්ය මූල්ය කළමනා කරණ පනතේ විධිවිධාන අනුව මුල්ය ක්රමෝපාය ප්රකාශය තුළ මූල්ය අරමුණු සාක්ෂාත් කර ගැනීමට එල්ල වන ප්රධාන මූල්ය අවදානම් මූලාශ්රයන් නිශ්චිතව දැක්විය යුතු අතර, ඒවායින් සිදු විය හැකි රාජ්ය මූල්ය බලපෑම පිළිබඳ ඇස්තමේන්තුවක් ද ඊට ඇතුළත් කළ යුතු බවයි අමාත්යවරයා සඳහන් කළේ
මූල්ය ක්රමෝපාය ප්රකාශය අමාත්ය මණ්ඩලයේ අනුමැතිය ලබා ගැනීම සඳහා ඉදිරිපත් කළ යුතු අතර, ඉන් අනතුරුව පදාළ වර්ෂයේ ජුනි මස 30 දින හෝ ඊට ප්රථම මුදල් අමාත්යවරයා විසින් පාර්ලිමේන්තුවට ඉදිරිපත් කළ යුතු වනවා.
වාර්ෂික අයවැය මුල්ය ක්රමෝපාය ප්රකාශය මත පදනම්ව සකස් කළ යුතු වනවා.
ඒ අනුව, 2027 වර්ෂය සඳහා වන මූල්ය ක්රමෝපාය ප්රකාශය සඳහාත්, එම ප්රකාශය පාර්ලිමේන්තුවේ සභාගත කිරීම සඳහාත් මුදල්, ක්රම සම්පාදන සහ ආර්ථික සංවර්ධන අමාත්ය වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කළා.
