රජයේ හා ආධාර ලබන පාසල් වල සිසු දරු දැරියන්ට සහ දිවයිනේ රජයේ අනුමත පිරිවෙන්වල ශිෂ්ය භික්ෂූන් වහන්සේලා ඇතුළු සහ ගිහි සිසුන්ට නොමිලේ පාසල් නිල ඇඳුම් ලබා දීම මෙවර ජනවාරි මස දී සිදු කිරීමට අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය සැලසුම් කර ඇති බව අධ්යාපන අමාත්යාංශය නිවේදනයක් නිකුත් කරමින් පවසනවා.
මහජන චීන සමූහාණ්ඩුව විසින් පූර්ණ ප්රදානයක් ලෙස රෙදි මීටර් මිලියන 11.484ක් මෙරටට ලබා දී ඇති අතර මේ වන විට එම සියලු රෙදි තොග වරායට ලැබී ඇති බවයි වර්තා වන්නේ.
එම නිල ඇඳුම් ප්රදානය නිල වශයෙන් භාර ගැනීම ලබන 13 වැනි දින අධ්යාපන, උසස් අධ්යාපන සහ වෘත්තීය අධ්යාපන අමාත්යතුමියගේ ප්රධානත්වයෙන් සිදු කිරීමට නියමිතයි.
මෙවර පාසල් නිල ඇඳුම් ලබා ගැනීම සඳහා 4,418, 404ක පමණ සිසුන් ප්රමාණයක් හිමිකම් ලබන අතර ලැබන 19 වැනිදා සිට කොට්ඨාස කාර්යාල වෙත එම රෙදි තොග බෙදා හැරීමට කටයුතු කෙරෙනු ඇති බවයි අධ්යාපන අමාත්යාංශයේ නිවේදනයේ සඳහන් වුණේ.
