2024 වර්ෂයේ වසරේ පුද්ගලයා ලෙසට ජනාධිපති ඩොනල්ඩ් ට්‍රම්ප් තේරී පත් ව තිබෙනවා.
ඔහු දෙවැනි වරටත් ජනාධිපතිවරණ පරාජයට පත් වූ කාලසීමාවකින් පසුව සිය ජයග්‍රහණය අත්පත් කරගැනීම මීට හේතුව බවයි වාර්තා වන්නේ.
ටයිම්ස් සඟරාව විසින් මෙම තෝරාපත් කරගැනීම සිදු කර තිබෙනවා.
රිපබ්ලිකන් පක්ෂ සාමාජිකයෙකු වන ට්‍රම්ප් 2016 වර්ෂයේ දී වසරේ පුද්ගලයා බවට පත් වුණා.
ඒ සිය පළමු අමෙරිකානු ජනපති ධුර අසුන හිමිකර ගැනීමත් සමගින්.
මේ අතර 2020 වසරේ පරිවර්තනයක් ඇති කළ සහ වසරේ පුද්ගලයා යන සම්මානය අමෙරිකාවේ ඩිමොක්‍රටික් පාක්ෂික වත්මන් ජනාධිපති ජෝ බයිඩ්න් සහ ඔහුගේ උප ජනාධිපතිනිය වශයෙන් කටයුතු කරමින් මෙවර ජනාධිපතිවරණයේ ප්‍රතිවාදී අපේක්ෂිකාව බවට පත් වූ කමලා හැරිස් නම්කර තිබෙනවා.
ට්‍රම්ප් අද (12) පෙරවරුවේ නිව් යෝර්ක් හි කොටස් වෙළෙඳපොළේ ආරම්භක සීනුව ද නාද කිරීමට එක්වනවා.
ටයිම් සඟරාව පැවසුවේ වසරේ පුද්ගලයා ලෙස නම් කළ දිනයේ දීම ඔහු මෙය නාදය කිරීම ද විශේෂ බවයි.
නිව් යෝර්ක් දේපල ආයෝජකයෙකු ලෙස සිය ධනය ගොඩනගා ගත් ට්‍රම්ප් ඔහුගේ පළමු ජනාධිපති ධුර කාලය තුළ, තම සාර්ථකත්වය මනිනු ලැබුවේ කොටස් වෙළෙඳපොළේ ශක්තියෙන් වන බවත්, එය ඔහු නැවත තේරී පත්වීම පිළිගෙන තිබෙන බවයි විශ්ලේෂකයින් පවසන්නේ.
සීනුව නාද කිරීම ලොව විශාලතම කොටස් හුවමාරුවේ වෙළෙඳ දිනය ආරම්භ කිරීම හෝ අවසන් කිරීම සංකේතවත් කරන අතර එය ගෞරවයක් ලෙස ද සැලකෙනවා.
රොනල්ඩ් රේගන්, නෙල්සන් මැන්ඩෙලා සහ ආර්නෝල්ඩ් ෂ්වාස්නෙගර් වැනි ප්‍රසිද්ධ පුද්ගලයින් ද මෙම සීනුව නාද කිරීම විශේෂත්වයක්.
