2024 ගිම්හාන ඔලිම්පික් ක්‍රීඩා උළෙලේ පැවැත්වුණේ ප්‍රංශයේ පැරිස් නුවරදීයි.
එම ඔලිම්පික් ක්‍රීඩා උළෙලේ දී ජයග්‍රාහී ක්‍රීඩක ක්‍රීඩිකාවන් වෙත පිරිනැමූ පදක්කම් සම්බන්ධයෙන් මේ වනවිට දැඩි කතා බහක් මතුව තිබෙනවා.
ඒ, අදාළ පදක්කම් ඔලිම්පික් ක්‍රීඩා උළෙල නිමා වී වසරක් ගතවීමටත් පෙර විනාශවීමට පටන් ගැනීමත් සමඟයි.
2024 ඔලිම්පික් පදක්කම් ලාභී ඇතැම් ක්‍රීඩක ක්‍රීඩිකාවන් පවසන්නේ තමන්ට හිමි වූ පදක්කම් මේ වනවිට අවපැහැ වීම, කැළැල් ඇතිවීම, පතුරු ගැලවීමේ ලක්ෂණ පෙන්නුම් කරන බවයි.
නිමා වූ ගිම්හාන ඔලිම්පික් ක්‍රීඩා උළෙලේ ජයග්‍රාහක ජයග්‍රාහිකාවන් සඳහා පිරිනැමූ රන්, රිදී සහ ලෝකඩ පදක්කම් අයිෆල් කුළු‌ණෙන් ලබාගත් යකඩ කැබලි ද එක්කර නිර්මාණය කර ඇති බවයි පැසිස් සංවිධායකවරුන් සඳහන් කළේ.
ප්‍රංශයේ සුප්‍රසිද්ධ ස්වර්ණාභරණ නිර්මාණය කරන ආයතනයක් වන චෞමෙට් ආයතන විසින් 2024 ඔලිම්පික් පදක්කම් නිර්මාණය කරනු ලැබුවා.
මේ අතර හානියට පත් පදක්කම් වෙනුවට වෙතත් පදක්කම් අදාළ ක්‍රීඩක ක්‍රීඩිකාවන් වෙනුවෙන් පිරි නැමීමට සූදානම් බව පැසිස් ඔලිම්පික් සංවිධායකයින් පවසා තිබෙනවා.
