මෙවර එක්දින ක්රිකට් ලෝක කුසලාන තරගාවලියේ දී ඉන්දියාවේ ඕනෑම ස්ථානයක දී ක්රීඩා කිරීමට පාකිස්තාන කණ්ඩායමේ සියලු සාමාජිකයින් සූදානම් බව නායක බබාර් අසාම් පවසනවා.
බබාර් අසාම් වැඩිදුරටත් සඳහන් කළේ ලෝක කුසලාන තරගාවලියට සහභාගී වීමට රජයේ අනුමැතිය පාකිස්ථාන කණ්ඩායම බලාපොරොත්තුවෙන් සිටින බවයි.
ඒ, සඳහා වන ඉල්ලීම පාකිස්ථාන ක්රිකට් ආයතන විසින් අගමැති ෂෙබාස් ෂරීෆ්ට සහ පකිස්ථාන අභ්යන්තර හා විදේශ කටයුතු අමාත්යාංශවලින් ලිඛිතව යොමුකර තිබෙනවා.
මෙවර ලෝක කුසලාන තරගාවලියේ දී පාකිස්ථාන, නෙදර්ලන්තය සමඟ ඔක්තෝම්බර් 06 වනදා හයිද්රාබාද් හී රජිව් ගාන්ධි ජාත්යන්තර ක්රීඩාංගණයේ දී තරග බිමට පිවිසෙනවා.
මේ අතර පාකිස්ථානය සහ ඉන්දියාව මෙවර තරගාවලියේ දී එකිනෙකා මුණ ගැසෙන්නේ ඔක්තෝම්බර් 15 වනදා අහමදාබාද් නුවර නරේන්ද්ර මෝදි ක්රීඩාංගණයේදීයි.
යම්කිසි හෙයකින් පාකිස්ථාන කණ්ඩායමට එරට රජයෙන් ඉන්දියාවට යෑමට අවසර නොලැබුණහොත් අන්තර් ජාතික ක්රිකට් කවුන්සිලයට පාකිස්ථාන තරග පැවැත්වීම සම්බන්ධයෙන් ගැටළුවක් මතුවනවා.
කෙසේ වෙතත් දේශපාලන පසමිතුරන් වන පාකිස්ථානය සහ ඉන්දියාව සාමාන්යයෙන් ජාත්යන්තර තරඟාවලිවලදී එකිනෙකා හමුවන්නේ දෙපිළම කැමැත්ත පළකරන මධ්යස්ථ ස්ථානවල දී පමණයි.
