වසර 147ක ටෙස්ට් ක්රිකට් ඉතිහාසයේ සුපිරි වාර්තාවක් තබන්නට ශ්රී ලංකා තුන් ඉරියව් ක්රීඩක කමිඳු මෙන්ඩිස්ට අද හැකියාව ලැබුණා.
ඒ, ටෙස්ට් ක්රිකට් ඉතිහාසයේ අංක 07 හෝ ඊට පහළින් පන්දුවට පහර දෙමින් එකම තරගයකදී ශතක දෙකක් රැස් කළ පළමු ක්රිකට් ක්රීඩකයා බවට පත්වෙමින්.
කමිඳු බංග්ලාදේශයට එරෙහිව සිල්හෙට් හි පැවැත්වෙන පළමු ටෙස්ට් තරගයේ තුන්වන දිනයේ දී මෙම දස්කම දැක්වීමට සමත් වුණා.
ඒ, ශ්රී ලංකා දෙවන ඉනිමේ දී ලකුණු 164ක් වාර්තා කරමින්.
කමිඳු මෙන්ඩිස් ශ්රී ලංකා පළමු ඉනිමේ දී ලකුණු 102ක් රැස් කිරීමට සමත් වුණා.
මේ අතර ලකුණු 511ක දැවැන්ත ඉලක්කයක් හඹා යන බංග්ලාදේශය කණ්ඩායම තරගයේ තුන්වන දිනය වූ අද දිනට තරගය නතර කරන විට ඉතා අසීරු අඩියක පසු වුණා.
දෙවන ඉනිම ක්රීඩා කරන බංග්ලාදේශය අද දිනය අවසන් වනවිට කඩුලු 05ක් දැවී ලකුණු 47ක් රැස්කරගෙන සිටි අතර, තරගය ජයග්රහණය වෙනුවෙන් ඔවුන් තවත් ලකුණු 464ක් රැස්කරගත යුතුව තිබෙනවා.
