2021 වසරේ දී චීනයේ පෞද්ගලික සමාගමකින් ගෙන්වන ලද මෙරට ප්රමිතියට අනුකූල නොවන කාබනික පොහොර තොගයට අදාළ ව අත්හිටුවා තිබූ ණයවර ලිපි විවෘත කිරීමට උපදෙස් දීම මගින් ඊට අදාළ පළමු පොහොර තොගයේ 75%ක මුදලක්, එනම් අමෙරිකානු ඩොලර් මිලියන 6.9කට ආසන්න මුදලක් රජයට අයුතු පාඩු සිදු කිරීම සම්බන්ධයෙන් රක්ෂිත බන්ධනාගාරගත කර සිටි කෘෂිකර්ම අමාත්යංශයේ හිටපු අතිරේක ලේකම් මහේෂ් ගම්මම්පිල මහතා රුපියල් මිලියන 05 බැගින් වූ ශරීර ඇප 05ක් මත මුදා හැරීමට කොළඹ ප්රධාන මහේස්ත්රාත් තනූජා ලක්මාලි මහත්මිය නියෝග කර තිබෙනවා.
අද (05) දහවල් සැකකරු වෙනුවෙන් පෙනී සිටි ජනාධිපති නීතිඥ උපුල් කුමාරප්පෙරුම කළ කරුණු දැක්වීම සලකා බැලූ විනිසුරුවරිය එම නියෝගය නිකුත් කරමින් සැකකරුට විදෙස් ගත වීම ද තහනම් කරමින් නියෝගයක් නිකුත් කෙරුණා.
එහිදී අල්ලස් හෝ දූෂණ විමර්ශන කොමිෂන් සභාව විසින් අධිකරණය හමුවේ කරුණු දක්වමින් පෙන්වා දුන්නේ එකී සිද්ධියට සම්බන්ධ යැයි එවකට කෘෂිකර්ම විෂයය භාර ව කටයුතු කළ අමාත්යවරුන් ද ඉදිරියේ දී අත්අඩංගුවට ගෙන අධිකරණයට ඉදිරිපත් කිරීමට බලාපොරොත්තු වන බවයි.
