ඉන්දියාවේ විදේශ දූත මණ්ඩල ‘හින්දි දිවාස්’ වෙනුවෙන් ඔවුන්ගේ සුබ පැතුම් පිරිනමා ඇති අතර ඔවුන්ගේ රාජ්‍ය තාන්ත්‍රිකයින් මෙම අවස්ථාව ඉතා අලංකාර ලෙස සමරනු ලැබුවා.
හින්දි භාෂාව ජාතියේ නිල භාෂාවක් ලෙස පිළිගැනීමට ගත් තීරණය සිහිපත් කිරීම සඳහා වාර්ෂිකව සැප්තැම්බර් 14 වන දින හින්දි දිවාස් සමරනවා.
ඉන්දියාවේ ඔස්ට්‍රෙලියානු මහ කොමසාරිස් කාර්යාලය, හින්දි භාෂාව කතා කරන රාජ්‍ය තාන්ත්‍රිකයෙකුගේ වීඩියෝවක් බෙදාගෙන ඇති අතර, හින්දි භාෂාව දැන සිටීම ඔහුට ඉන්දියාවේ රැඳී සිටීමට උපකාර බව සඳහන් කර තිබුණා.
“නමස්තේ! මගේ නම ටොම් සහ මම දිල්ලියේ ඔස්ට්‍රෙලියානු මහ කොමසාරිස් කාර්යාලයේ හින්දි භාෂා රාජ්‍ය තාන්ත්‍රික නිලධාරියෙක්. දේශීය භාෂාව දැන සිටීම ඉන්දියාවේ මගේ වැඩ කටයුතු සඳහා මට බොහෝ උපකාර කර ඇත,” රාජ්‍ය තාන්ත්‍රිකයා වීඩියෝවේ සඳහන් කර තිබෙනවා.
ඔස්ට්‍රෙලියානු තානාපතිවරයා හින්දි ගීතයක් මුමුණ අයුරු සහ ඔහු ආපණශාලා කාර්ය මණ්ඩලය සහ මෝටර් රථ රියදුරු සමඟ හින්දි භාෂාවෙන් අදහස් හුවමාරු කර ගන්නා අයුරු ද විඩියෝවේ දැකගත හැකි වුණා.
ඉන්දියාවේ ප්‍රංශ තානාපති කාර්යාලය, ඔවුන්ගේ නව ප්‍රකාශක ඔර්ලික්ගේ වීඩියෝවක් බෙදා ගත්තා.
ඔහු මිනිසුන් සමඟ වඩා හොඳින් සම්බන්ධ වීමට හින්දි භාෂාව ඉගෙන ගන්නා අතර ඉන්දියාවේ පොහොසත් සහ අද්විතීය සංස්කෘතික විවිධත්වය ද පැසසුමට ලක් කළා.
“මම ඔබව මුණගැසීමට හා සම්බන්ධ වීමට බලාපොරොත්තු වෙමි. ඔබ සමඟ වඩාත් හොඳින් සම්බන්ධ වීමට මම හින්දි භාෂාව ඉගෙන ගැනීමට පටන් ගෙන ඇත. නමුත් ඉන්දියාවේ පොහොසත් සහ අද්විතීය සංස්කෘතික විවිධත්වය සැමරීම සඳහා අපි වෙනත් ඉන්දියානු භාෂාවලින් ද සන්නිවේදනය කරන්නෙමු. bientot (නැවත හමුවෙමු). නමස්තේ,” ඔහු පවසනවා.
ඊශ්‍රායල තානාපති කාර්යාලය ඔවුන්ගේ රාජ්‍ය තාන්ත්‍රිකයින් හින්දි චිත්‍රපට සහ කතා මාලාවල ප්‍රසිද්ධ දෙබස් කිහිපයක් සමඟ සංවාදයේ යෙදෙන වීඩියෝවක් බෙදාගනිමින් හින්දි දිවාස් සැමරුවා.
