හිටපු පාර්ලිමේන්තු මන්ත්‍රී පියුම් අනුජ පැස්කුවල් මහතා නමින් පවත්වාගෙන යන බැංකු ගිණුම් දෙකක් මාස තුනක කාලයකට අත්හිටුවන ලෙස කොළඹ ප්‍රධාන මහාධිකරණ විනිසුරු ආදිත්‍ය පටබැඳිගේ මහතා නියෝග කර තිබෙනවා.
අල්ලස් හෝ දුෂණ විමර්ශන කොමිසම මගින් දූෂණ විරෝධී පනත යටතේ කරන ලද ඉල්ලීමක් සලකා බැලු කොළඹ ප්‍රධාන මහාධිකරණ විනිසුරුවරයා ලබන ජනවාරි 10 වැනිදා දක්වා බලපැවැත්වෙන පරිදි අද (10) එම නියෝග නිකුත් කළා.
හිටපු පාර්ලිමේන්තු මන්ත්‍රීවරයා සැක සහිත ලෙස මුදල් උපයා ගැනීම සම්බන්ධයෙන් ලැබුණු පැමිණිල්ලකට අනුව තම කොමිෂන් සභාව විසින් දූෂණ විරෝධී පනත යටතේ විමර්ශන අරඹා දින හතක කාලයකට එම බැංකු ගිණුම් තහනම් කළ අතර වැඩිදුරටත් විමර්ශනය කර එම වාර්තා අතිකරණයට ඉදිරිපත් කරන තෙක් මාස තුනක කාලයකට එම බැංකු ගිණුම් අත්හිටුවන ලෙස අල්ලස් හෝ දූෂණ විමර්ශන කොමිෂන් සභාව අධිකරණයෙන් ඉල්ලා සිටියා.
ඒ අනුව මහාධිකරණ විනිසුරුවරයා නියෝග කළේ මාස තුනක කාලයකට එම බැංකු ගිණුම් අත්හිටුවන ලෙසයි.
wpDiscuz
