2015 වසරේ ජනවාරි 05 වනදා කහවත්ත ප්රදේශයේ සිදුකළ වෙඩිතැබීමකින් පුද්ගලයෙකු මියගොස් තවත් කිහිපදෙනෙකු තුවාල ලැබීය.
මෙම සිදුවීම සම්බන්ධයෙන් පරීක්ෂණ සිදුකළ කහවත්ත පොලීසිය විසින් සිද්ධියේ සැකකරුවෙකු ලෙස හඳුනාගත් එවකට නියෝජ්ය අමාත්යවරයෙකු ලෙස සිටි ප්රේමලාල් ජයසේකර මහතා අත්අඩංගුවට ගැනීමට සූදානම් වෙද්දී ඔහුව අත්අඩංගුවට නොගන්නා ලෙසට එවකට කහවත්ත පොලීසියේ ස්ථානාධිපතිවරයා ලෙස කටයුතු කළ ලලිත් රාජමන්ත්රී මහතාට බලපෑම් කිරීම සම්බන්ධයෙන් ඔහුට එරෙහිව චෝදනා ගොනුකර තිබුණි.
ඒ අනුව ප්රේමලාල් ජයසේකර අත්අඩංගුවට නොගන්නා ලෙසට බලපෑම් කිරීමේ චෝදනාවට සබරගමුව පළාත් හිටපු ජ්යේෂ්ඨ නියෝජ්ය පොලිස්පති ලලිත් ජයසිංහට රත්නපුර මහාධිකරණය විසින් සිර දඬුවම් නියම කර තිබෙන අතර එහිදී රත්නපුර මහාධිකරණ ලංකා ජයරත්න මෙනෙවිය විසින් හිටපු ජ්යේෂ්ඨ නියෝජ්ය පොලිස්පති ලලිත් ජයසිංහට වසර 05ක සිර දඬුවම් නියම කර තිබෙනවා.
විනිසුරුවරිය මෙම දඬුවම ලබාදෙමින් රුපියල් 20,000ක දඩයක් ගෙවන ලෙසට ද විත්තිකරුට වැඩිදුරටත් නියෝග කර තිබේ
