රාජ්ය දේපල සාපරාධී සාවද්ය පරිහරණය සම්බන්ධයෙන් අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන කොට්ඨාසය මගින් සිදු කරනු ලබන විමර්ශනයකට අදාලව ඊයේ (05) හිටපු අමාත්යවරයෙකුගේ මාධ්ය ලේකම්වරයෙකු ලෙස කටයුතු කල පුද්ගලයෙකු අත්අඩංගුවට ගෙන තිබෙනවා.
සැකකරු වයස අවුරුදු 52 ක් වන කොළඹ 02 ප්රදේශයේ පදිංචිකරුවෙක් වන අතර මෙම සැකකරු සේවා හා පොදු පහසුකම් අමාත්යංශයේ මාධ්ය ලේකම්වරයෙක් ලෙස සිටියදී මෙම රාජ්ය දේපල සාපරාධී සාවද්ය පරිහරණය කර ඇති බවට අනාවරණය වී තිබෙනවා.
සැකකරු විසින් රාජ්ය ඉදිකිරීම් ඉංජිනේරු සංස්ථාවේ කාර්යයන් සඳහා කුලි පදනම මත ලබාගත් වාහන මාධ්ය කටයුතු සඳහා භාවිතා කරමින් රුපියල් 1,746,000/= ක (රුපියල් දාහත්ලක්ෂ හතලිස් හයදාහක්) මුදලක් සාවද්ය පරිහරණය කරමින් පොදු දේපල පනතට ගැනෙන වැරදි කර ඇති බවට සිදු කරන ලද වැඩිදුර විමර්ශනයේදී අනාවරණය වී තිබෙනවා.
අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන කොට්ඨාසය විසින් වැඩිදුර විමර්ශන සිදු කරනු ලබනවා.
