අද (30) දහවල් අත්අඩංගුවට ගත් රාජ්ය පරිපාලන අමාත්යාංශයේ හිටපු ලේකම්වරයෙකු වූ ප්රියන්ත කුමාර මායාදුන්නේ මහතා අධිකරණය වෙත ඉදිරිපත් කිරීමෙන් පසු ඇප මත මුදාහැර තිබෙනවා.
සැකකාර හිටපු ලේකම්වරයා කොටුව මහෙස්ත්රාත් අධිකරණය වෙත ඉදිරිපත් කර තිබූ අතර එහිදී රුපියල් ලක්ෂ 2ක ශරීර ඇපයක් මත මුදා හැරීමටයි නියෝග කර ඇත්තේ.
අද දහවල් (30) ඔහුව අපරාධ පරීක්ෂණ දෙපාර්තමේන්තු විසින් අත්අඩංගුවට ගනු ලැබුවේ සාපරාධී මූල්ය පරිහරණ චෝදනා මත යි.
———————————————
රාජ්ය පරිපාලන අමාත්යාංශයේ හිටපු ලේකම්වරයෙකු වූ ප්රියන්ත මායාදුන්නේ මහතා අත්අඩංගුවට ගෙන තිබෙනවා.
අද දහවල් (30) ඔහුව අපරාධ පරීක්ෂණ දෙපාර්තමේන්තු විසින් අත්අඩංගුවට ගනු ලැබූ බවයි වාර්තා වන්නේ.
2011 වර්ෂයේ ජාත්යන්තර සමූපකාර දිනය සැමරීම වෙනුවෙන් කුරුණෑගල පවත්ව ඇති ‘ඉසුරු සවිය’ නමැති වැඩසටහන සඳහා රජයට අයත් සමූපකාර අරමුදලින් රුපියල් මිලියන 183ක් වැය කිරීම සම්බන්ධයෙන් වන පරීක්ෂණ අපරාධ පරීක්ෂණ දෙපාර්තමේන්තුව මගින් සිදු කෙරෙමින් පවතිනවා.
එවන් පසුබිමක එකල රාජ්ය පරිපාලන අමාත්යාංශයේ අතිරේක ලේකම්වරයෙකු ලෙස කටයුතු මායාදුන්නේ මහතාව විත්තිකරුවෙකු කර ඇති අතර නීතිපති විසින් අදාළ චෝදනා දණ්ඩනීති සංග්රහයේ 389 වගන්තිය ප්රකාරව ගොනු කිරීමෙන් අනතුරුවයි අද දිනයේ දී සැකකාර ලේකම්වරයා ව අත්අඩංගුවට ගැනුණේ.
