හලාවත – පුත්තලම පාරේ දරුණු බස් රථ අනතුරක් (ඡායාරූප)

හලාවත – පුත්තලම මාර්ගයේ දැදුරුඔය පාලම ආසන්නයේ දී බස් රථයක් මාර්ගයෙන් ඉවතට පැන ගසක හැපීමෙන් අද (04) පෙරවරු 11.30ට පමණ අනතුරක් සිදුව තිබෙනවා.

අනතුරින් බස් රථයේ රියදුරු සමඟ 21 දෙනෙකු තුවාල ලබා හලාවත මහා රෝහලට ඇතුළත් කර ඇති බවයි වාර්තා වුණේ.

අනතුරට පත්ව ඇත්තේ පේදුරුතුඩුවේ සිට කොළඹ බලා ධාවනය වෙමින් තිබූ ලංකා ගමනා ගමන මණ්ඩලයට අයත් බස් රථයක්.

අනතුරට පත් බස් රථයේ බස් රථයේ රියදුරු, රිය ආසනය තුළ සිර වී සිටීම නිසා ඔහුව පිටතට ගැනීමට විශාල පරිශ්‍රමයක් දැරීමට ප්‍රදේශවාසීන්ට සිදුවූ බවයි දසත නිවුස් වාර්තාකරු සඳහන් කළේ.