කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටියදී අප අතරින් අද (24) පෙරවරුවේ සමුගත් මෙරට සංගීත ක්ෂේත්‍රයේ නො මැකෙන මතක සටහනක් රන් හඬකින් තැබූ ප්‍රවීණ ගායන ශිල්පී ප්‍රියා සූරියසේන මහතාගේ අවසන් කටයුතු සම්බන්ධයෙන් දැනුම්දීමක් සිදු කර තිබෙනවා.
ඔහුගේ පුත් ලක්ෂිත සූරියසේන මහතා විසින් සිය ෆේස්බුක් ගිණුමෙහි සටහනක් තබමින් සඳහන් කර ඇත්තේ; හෙට (25) දින පෙරවරු 8.30 ට තම පියාගේ දේහය අංක 154/1 පාසල්, මාවත, ගංගොඩවිල – නුගේගොඩ පිහිටි නිවසේ දී පැවැත්වීමට කටයුතු සූදානම් කර ඇති බවයි වාර්තා වන්නේ.
එමෙන්ම අනිද්දා (දෙසැම්බර් 26) දින බ්‍රහස්පතින්දා සවස 2 සිට පස්වරු 5 දක්වා ජාතික ගුවන් විදුලි පරිශ්‍රයේ මහජන ගෞරවය සඳහා තැන්පත් කෙරෙනු ඇති.
එදින සවස 6.00 සිට 27 වෙනි සිකුරාදා දින සවස 3.00 දක්වා දේහය බොරැල්ල ජයරත්න රෙස්පෙක්ට් ශාලාවේ තැබීමට කටයුතු යොදා තිබෙනවා.
මෙම දේහය පිළිබඳ ව අවසන් කටයුතු 27 වෙනි සිකුරාදා සවස 4.00ට බොරැල්ල කනත්තේ දී සිදු කෙරෙනු ඇති.
