විදෙස්ගතව සිට පැමිණෙන ශ්රී ලාංකිකයින් නිරෝධායනයට යොමු කිරීමේදී සිදුවූ මුදල් ගසා කෑමේ සිද්ධිය වැනි තවත් එවැනිම සුව සේවාවක ප්රතිලාභ මෙරටට ලැබීම, ඇතැම් සෞඛ්ය බලධාරීන්ගේ මඩිය තර කර ගැනීමේ පටු අරමුණ ඇතිව යට ගැසීමේ සුදානමක් පිළිබඳව ද තොරතුරු වුණා.
කොරෝනා ව්යාප්තිය හමුවේ ජනතාවට කොවිඩ් පරීක්ෂණ සිදුකර ගැනීමේදී ඉහල පිරිවැයක් දැරීමට සිදුවීම මෙන්ම ප්රතිඵල ලබාගැනීමට වැඩි කාලයක් ගතවීම ගැටලුවක්.
ඉන්දියාවේ ටාටා සමාගම නවීන රසායනාගාර පහසුම් සහිතව වැඩි දියුණු කල බස් රථ සහිත ජංගම කොවිඩ් පරීක්ෂණ සේවාවක් මෙරටටද හඳුන්වා දුන්නේ ඊට පිළියමක් ලෙසයි.
ඉන්දියාව තුල කොවිඩ් ආසාදිතයන් හදුනා ගැනීම සදහා මේ වන විටත් සේවාවක් මෙම ජංගම රථ සේවය සාර්ථකව ක්රියාත්මක වනවා.
මීට අමතරව එක්සත් අරාබි එමීර් රාජ්ය, නේපාලය, දකුණු අප්රිකාව, අයර්ලන්තය, මැලේසියාව සහ තායිවානය යන රටවල ද මෙම සේවය ක්රියාත්මකයි.
ඒ අනුව අදාළ සමගම සෞඛ්ය අමාත්යාංශයට යෝජනා කර ඇත්තේ මෙරට දෛනික කොවිඩ් පරීක්ෂණ ධාරිතාව 20,000ක් දක්වා ඉහල දැමීමට හැකිවන පරිදි ජංගම රථ 5ක් මෙරටට නොමිළේ ලබා දීමටයි. ඒ මාස 18ක් තුල චජර පරීක්ෂණ ලක්ෂ 36ක් සිදු කිරීමේ පදනමින්.
එම රථ කොළඹ, මීගමුව, වව්නියාව, මහනුවර සහ කල්මුනේ යන ප්රදේශ කේන්ද්ර කරගෙන ක්රියාත්මක කිරීම ඔවුන්ගේ සැලසුම වී තිබෙනවා.
එහිදී එක් PCR පරීක්ෂාවක් සිදුකිරීම සදහා වැය වන්නේ රුපියල් 2000ක් තරම් අඩු අගයක්.
අදවන විට මෙරට PCR පරීක්ෂණයක් සදහා රුපියල් 6500ක උපරිම මිලක් සහ ඇන්ටිජන් පරීක්ෂාවක් සදහා උපරිම මිල රුපියල් 2000ක්.
මෙම රසායනාගාර සහිත බස් රථ මෙරටට ලබා ගැනීම සදහා ඖෂධ නිෂ්පාදන සැපයීම සහ නියාමන රාජ්ය අමාත්යාංශයේ අනුමැතිය ද හිමිව ඇති අතර එම අමාත්යාංශය නිර්දේශ කර ඇත්තේ අදාළ කොවිඩ් පරීක්ෂණ ජංගම රථ කොළඹ ජාතික රෝහල, කෑගල්ල දිස්ත්රික් රෝහල, ශ්රී ජවර්ධනපුර විශ්වවිද්යාල වෛද්ය පිඨය, වෛද්ය පර්යේෂණ ආයතනය සහ කටුනායක ජාත්යන්තර ගුවන්තොටුපල පරිශ්රයේ ස්ථාපිත කරන ලෙසයි.
මේ සඳහා ජාතික ඖෂධ නියාමන අධිකාරියේ අනුමැතියද මේ වන විටත් ලැබී තිබෙනවා.කෙසේ වෙතත්, මෙරට ජනතාවට කඩිනමින් සහ සහන මිලට කොවිඩ් පරීක්ෂාවන් සිදුකර ගත හැකි මේ සුව සේවා ව්යාපෘතිය යට ගැසීමේ සුදානමක් පවතින බවටයි චෝදනා එල්ල වන්නේ.
