අවුරුදු 38ක කාලයක් පුරාවට රට වෙනුවෙන් කැපකිරීම් කළ සිය සැමියාට රැඳවුම් නියෝග මත රඳවා සිටින අතරතුරදී හිංසාකාරීව හැසිරෙන සලකන බවත්, එයට වගකිව යුත්තේ කවුරුන්ද බවට තමන් දන්නා බවත් හිටපු බුද්ධි ප්රධානී සුරේෂ් සලේගේ බිරිඳ පවසනවා.
ඇය මේ බව සඳහන් කළේ, සුරේෂ් සලේ බැලීමට අද (07) අපරාධ පරීක්ෂණ දෙපාර්තමේන්තුවට පැමිණ, පසුව මාධ්ය වෙත අදහස් දක්වමින්.
සිය සැමියා රට වෙනුවෙන් කළ කැපකිරීම වෙනුවෙන් ජනතාවට කෘතගුණ දැක්වීමට කාලය එළැඹ ඇති බවත් හිටපු බුද්ධි ඇය වැඩිදුරටත් සඳහන් කළා.
”අවුරුදු 38ක කාලයක් රට වෙනුවෙන් කැපකරලා, අඩුමගානේ කවදාවත් දරුවෙක්ගේ ඉස්කෝලේකටවත් හස්බන්ඩ්ට යන්න වෙලා තිබුණේ නැහැ,. මොකද හැමවෙලේම රට වෙනුවෙන් කැපවෙලා ඉදියේ. එහෙම මනුස්සයෙක්ට මෙම කරන එක ඉතාම අසාධාරණයි. අපි දන්නවා මේකට කවුද වගකියන්න ඕනේ කියලා මේ කැත විදියට සලකන එකට” යනුවෙන් සුරේෂ් සලේගේ බිරිඳ කියා සිටියා.
