සුබසාධන ප්‍රතිලාභ ලබා ගැනීම සඳහා ඉදිරිපත් කර ඇති අයදුම්පත් මිලියන 3.2කට අධික සංඛ්‍යාවක තොරතුරු තහවුරු කර ගැනීම අවසන් කර තිබෙනවා.
සුබසාධන ප්‍රතිලාභ ගෙවීමට සුදුස්සන් හඳුනාගැනීමේ වැඩසටහන ජනාධිපති රනිල් වික්‍රමසිංහ මහතාගේ උපදෙස් අනුවයි ආරම්භ කෙරුණේ.
දිවයින පුරා ප්‍රාදේශීය ලේකම් කොට්ඨාශ 340කින් ලැබී ඇති අයදුම්පත් මිලියන 3.7කට අදාළ සුබසාධන දීමනා සඳහා සුදුසුකම් තහවුරු කිරීමේ ක්‍රියාවලිය කඩිනම් කරන ලෙස ජනාධිපති ලේකම් සමන් ඒකනායක මහතා නිලධාරීන්ට උපදෙස් දී තිබෙනවා.
ඇගයීම් කාලය අවසන් වූ පසු, ප්‍රතික්ෂේපවීම්ව සම්බන්ධයෙන් අභියාචනා ඉදිරිපත් කිරීමට ඉඩ ලබා දෙන බවයි සුබසාධන ප්‍රතිලාභ මණ්ඩලය සඳහන් කළේ.
අමාත්‍ය මණ්ඩලයේ සහ පාර්ලිමේන්තුවේ අනුමැතිය ලබා ගැනීමෙන් පසු ජුනි මාසයේ සිට නව යෝජනා ක්‍රමය හරහා දීමනා ලබා දීමට මණ්ඩලය බලාපොරොත්තු වනවා.
