සුප්‍රසිද්ධ රොක් ගායන ශිල්පියෙකු වන එම සංගීත ආරයේ ගීත ගණනාවක රචකයෙකු ද වන බ්‍රිතාන්‍ය ජාතික John Mayall අභාවප්‍රාප්ත වී තිබෙනවා.
බ්‍රිතාන්‍ය බ්ලූස් (British blues) සහ රොක් සංගීත සම්ප්‍රදායන්හි ගීත රචකයෙක්, නිෂ්පාදකයෙක් ලෙසයි මෙම චරිතය ලෝක ප්‍රසිද්ධියට පත් ව ඇත්තේ.
වර්ෂ 1933 නොවැම්බර් මස 29 වැනි දින මහා බ්‍රිතාන්‍යයේ මැක්ලර්ස්ෆීල්ඩ් හි දී මෙම සංගීතවේදියා උපත ලැබුවා.
ඔහු මිය යනවිට 90 හැවිරිදි වියෙහි පසු වුණා.
පසුගියදා (22) මායල් සිය නිවසේ දී ජීවිතක්ෂයට පත් වූ බවයි ඔහුගේ පවුලේ සාමාජිකයින් නිවේදනය කළේ.
ජෝන් මායල් 1960 දශකයේ දී ලෝක ප්‍රසිද්ධියට පත් වූ ‘Bluesbreakers’ සංගීත කණ්ඩායම ආරම්භ කළා.
බ්‍රිතාන්‍යයේ සංගීතඥයන් අතර ‘බ්ලූස්’ ප්‍රවර්ධනය කිරීමට පුරෝගාමී වූවන් අතර ජෝන් මායල් ඉදිරියෙන් සිටින්නෙකු ලෙසට ද ප්‍රසිද්ධියක් උසුලනවා.
ලෝක සංගීත කලාව තුළ මායල් ව හඳුන්වන්නේ “godfather of British blues” යන පාඨයෙන්.
ගායකයෙකු, ගිටාර් වාදකයෙකු සහ කීබෝඩ් වාදකයෙකු වූ ඔහුට දශක හතකට ආසන්න කාලයක් පුරා දිවෙන වෘත්තීය ජීවිතයක් හිමි තැනැත්තෙකු ලෙස ද බ්‍රිතාන්‍යයේ සංගීත ක්ෂේත්‍රයට අයත් ව සිටිනවා.
