සීදූවේ බෝඩිං කාමරයක දෙදරු මව මැරූ සැකකරු රෝහලේ දී අල්ලයි

සීදූව, මුතුවාඩිය ප්‍රදේශයේ දී කුලී කාමරයක් තුළ දී 26 හැවිරිදි කාන්තාවක් ඝාතනය කිරීමේ සිද්ධියේ සැකකරු අත්අඩංගුවට ගෙන තිබෙනවා.

අදාළ සැකකරු බලංගොඩ රෝහලට ඇතුළත්ව ප්‍රතිකාර ලබමින් සිටිය දී පොලිසිය විසින් ඊයේ (17) දහවල් අත්අඩංගුවට ගත බවයි පොලිසිය සඳහන් කළේ.

මෙම සැකකරු පැරසිටමෝල් ඖෂධය අධිමාත්‍රාවකින් ලබාගෙන මෙලෙස රෝහල් ගතව ඇති බවයි තොරතුරු වාර්තා වුණේ.

මෙලෙස අත්අඩංගුවට ගැනුණු සැකකරු 22 හැවිරිදි වියේ පසුවන බලංගොඩ, මඩංවල ප්‍රදේශයේ පදිංචිකරුවෙක්.

අත්අඩංගුවට ගැනුණු සැකකරු බලංගොඩ අධිකරණය හමුවට ඉදිරිපත් කිරීමට කටයුතු කර ඇති අතර, ඔහු මේ වනවිට බන්ධනාගාර නිලධාරීන් යටතේ ප්‍රතිකාර ලබන බවයි වාර්තා වන්නේ.

සීදූව, මුතුවාඩිය ප්‍රදේශයේ පිහිටි කුලී කාමරයක් තුල දී පසුගිය පසුගිය 14 වනදා වීදුරු කටුවකින් ගෙළ කපා 26 හැවිරිදි දෙදරු මවක් ඝාතනය කර තිබුණා.

මම ඝාතනය සම්බන්ධයෙන් සිදුකළ විමර්ශනවල දී අනාවරණය වී ඇත්තේ සැකකරු සහ ඝාතනයට ලක් වූ කාන්තාව අතර කලක සිට අනියම් ඇසුරක් පැවත ඇති බවයි.

සැකකරු සහ මෙම කාන්තාව අතර අනියම් ඇසුර පැවති කාලය තුළ කාන්තාව ජීවත් වූ බෝඩිං කාමරයට අවස්ථා කිහිපයකදීම පැමිණ ඇති බවට මූලික විමර්ශනවල දී අනාවරණය හෙළිව තිබෙනවා.

ඝාතනය සිදුකිරීමෙන් පසු පළාගිය සැකකරු සිය මිතුරෙකුට දුරකථන ඇමතුමක් දී සිදු වූ සිදුවීම පවසා ඇති අතර එම දුරකථන සංවාදයේ හඬපට මාධ්‍ය ඔස්සේ ප්‍රචාරය වුණා.