සිම්බාබ්වේ ක්‍රිකට් ක්‍රීඩකයින් දෙදෙනෙකුට ක්‍රිකට් තහනමක් පැනවීමට කටයුතු කර තිබෙනවා.
එරට ක්‍රිකට් ආයතන විසින් වෙස්ලි මධෙවෙරේ සහ බ්‍රැන්ඩන් මවුටාට මෙලෙස තහනමක් පනවා ඇති බවයි වාර්තා වුණේ.
තහනම් උත්තේජක චෝදනා යටතේ ඔවුන් දෙදෙනාට මෙම තහනම පනවා ඇති අතර, අදාළ චෝදනා පිළිබඳ විභාගය පැවැත්වෙන බවයි විදෙස් මාධ්‍ය වාර්තා කළේ.
චෝදනා සම්බන්ධයෙන් විභාගය පැවැත්වෙන තුරු මෙලෙස මෙම ක්‍රීඩකයින් දෙදෙනාට ක්‍රිකට් තහනම පනවා ඇති අතර, විභාගයේ ප්‍රතිඵලය මත ඔවුන් සම්බන්ධයෙන් ඉදිරි තීරණ ගැනීමට නියමිතයි.
මේ අතර ශ්‍රී ලංකා සංචාරය සඳහා එක්වන සිම්බාබ්වේ කණ්ඩායමේ අන්තර්වාර ප්‍රධාන පුහුණුකරු ලෙස වෝල්ටර් චවාගුටා නම් කිරීමට පසුගිය දා කටයුතු කළා.
සිම්බාබ්වේ කණ්ඩායමේ අන්තර්වාර ප්‍රධාන පුහුණුකරු ලෙස චවාගුටා පත්කළ දෙවන අවස්ථාව මෙයවන අතර, මීට පෙර 2008 දී ද ඔහු එම තනතුර සඳහා පත්කරනු ලැබුවා.
මේ අතර එළඹෙන ජනවාරි මාසයේ දී සිම්බාබ්වේ කණ්ඩායම ශ්‍රී ලංකාවේ තරග සංචාරයක් සඳහා එඉවිමට සූදානමින් සිටිනවා.
