සැරයන්ගේ තෙලබණුව ඉස්සූ කොස්තාපල් මාට්ටු

මරදාන දස මහල් පොලිස් භට නිවාසයේ නේවාසිකව රැඳී සිටින සැරයන්වරයකුට අයත් ජංගම දුරකතනයක් සොරා ගැනීම සම්බන්ධයෙන් පොලිස් කොස්තාපල්වරයෙක් අත්අඩංගුවට ගෙන තිබෙනවා.

මෙලෙස අත්අඩංගුවට ගෙන ඇත්තේ එම පොලිස් භට නිවාසයේම නේවාසිකව රැඳී සිටි පොලිස් කොස්තාපල්වරයෙක් බවයි වාර්තා වුණේ.

සැකකරු මරදාන පොලිසිය විසින් අත්අඩංගුවට ගෙන ඇති අතර, ඔහු සොරාගත් ජංගම දුරකථනය බම්බලපිටිය ප්‍රදේශයේ දුරකථන අලෙවි සැලකට අලෙවිකර තිබිය දී සොයා ගැනීමට හැකිව තිබෙනවා.

පසුගිය 23 වනදා මෙම සොරකම සිදුව ඇති අතර, සැරයන්වරයා විසින් මේ සම්බන්ධයෙන් මරදාන සිදුකළ පැමිණිල්ලකට අනුවයි සැකකාර කොස්තාපල්වරයා අත්අඩංගුවට ගෙන ඇත්තේ.