ග්රෑන්ඩ්පාස් පොලිස් වසමේ කීරකොටුව, සේදවත්ත පාර ප්රදේශයේ පදිංචි පුද්ගලයෙක් පසුගිය ඔක්තෝම්බර් 11 වන දින සිට අතුරුදන්ව සිටින බවට ඔහුගේ මව විසින් ග්රෑන්ඩ්පාස් පොලිසියට කරන ලද පැමිණිල්ලක් මත විමර්ශන ආරම්භ කර තිබෙනවා.
අතුරුදහන් වූ පුද්ගලයා පසුගිය 11 වන දින තවත් පුද්ගලයින් දෙදෙනෙක් සමඟ සාදයක් පවත්වා ඇති බවත් එම සාදයෙන් අනතුරුව ඉහත පුද්ගලයා අතුරුදන් වී ඇති බවටත් මුලික විමර්ශනයේදී අනාවරණය වී ඇති බවයි පොලිසිය පවසන්නේ.
සාදයට සහභාගී වූ පුද්ගලයින් දෙදෙනා ද එදින සිට පදිංචි ප්රදේශයේ නොමැති බැවින් ඔවුන් පිළිබඳ කිසිදු තොරතුරක් මෙතෙක් අනාවරණය වී නැහැ.
ඒ අනුව අතුරුදහන් වූ පුද්ගලයාගේ තොරතුරු අනාවරණය කර ගැනීම සඳහා මෙම පුද්ගලයින් දෙදෙනා අත්අඩංගුවට ගැනීමට අවශ්ය අතර ඒ අනුව පොලිසිය විසින් එම පුද්ගලයින් දෙදෙනාගේ විස්තර සහ ඡායාරූප මාධ්ය වෙත නිකුත් කර තිබෙනවා.
රත්නවීර පටබැඳිගේ ප්රියන්ත කුමාර, වර්ණකුලසූරිය මාලන් ඉන්ද්රජිත් ප්රනාන්දු යන පුද්ගලයන් දෙදෙනා අංක 63/ඒ, දකුණු මිරිසන් කොටුව, ලුණුවිල ප්රදේශයේ පදිංචිව සිට තිබෙනවා.
ඒ අනුව මෙම පුද්ගලයන් සම්බන්ධයෙන් යම් තොරතුරක් වෙතොත් පහත සඳහන් දුරකථන අංක ඔස්සේ දැනුම් දෙන ලෙස පොලිසිය මහජනතාවගෙන් ඉල්ලා සිටිනවා.
ග්රෑන්ඩ්පාස් පොලිස් ස්ථානාධිපති – 071-8591575, පොලිස් ස්ථානය ග්රෑන්ඩ්පාස් – 011-2421414
