සහල් සහ වී තොග සම්බන්ධයෙන් පාරිභෝගික කටයුතු අධිකාරිය විසින් සැකසූ වාර්තාව ජනාධිපති අනුර කුමාර දිසානායක මහතාට පිරිනමනු ලැබුවා.
අද (07) පස්වරුවේ එම වාර්තාව වෙළෙඳ අමාත්‍යාංශයේ ලේකම්වරයා විසින් ජනපතිට පිරිනමා ඇති බවයි වාර්තා වන්නේ.
ඉකුත් සති කිහිපයේ මෙරට වෙළෙඳපොළේ සහල් මිල ගණන් ඉහළ ගිය අතර සහල් හිඟයක් ද නිර්මාණය වීම හේතුවෙන් ජනාධිපති නියෝගය මත මෙම වාර්තාව සැකසුණා.
මතු වූ තත්ත්වය සැලකිල්ලට ගෙන ජනාධිපතිවරයා මහා පරිමාණ සහල් ව්‍යාපාරිකයන් කැඳවා සාකච්ඡාවක් පැවැත්වූ අතර එහිදී තීරණය කෙරුණේ සිල්ලර වෙළෙඳපොළේ පැවති සහල් පාලන මිල එලෙසම පවත්වාගෙන යාමටයි.
මෙවන් පසුබිමක ජනාධිපති අනුර කුමාර දිසානායක මහතාගේ උපදෙස් මත සහල් තොග පිළිබඳ විශේෂ සංගණනයක් සිදු කිරීමට පාරිභෝගික අධිකාරිය පියවර ගත්තා.
ඔබේ ප්‍රතිචාරය කුමක්ද ?
+1
1
+1
+1
1
+1
+1
+1
+1
1
