සර්ව පාක්ෂික ආණ්ඩුවක් වෙනුවෙන් ශක්තිමත් බලවේගයක් ගොඩනැගීමට එක්වන ලෙස සියලු පක්ෂවල මහජන නියෝජිතයන්ට ආරාධනා කරන බව ජනාධිපති රනිල් වික්රමසිංහ පවනවා.
මහනුවර දිස්ත්රික්කයේ එක්සත් ජාතික පක්ෂ, පොදුජන පෙරමුණු මන්ත්රීවරු, හිටපු පළාත් පාලන නියෝජිතයන් හා ආසන සංවිධායකවරු අමතමින් ජනාධිපතිවරයා ඊයේ (30) මේ බව සඳහන් කළා.
පක්ෂ දෙකකට සීමා නොකොට සියලු දෙනා ඒ සඳහා එක්කරගත යුතු බවත්, නිහඬව නොසිට රටේ සැබෑ තත්ත්වය ජනතාවට පැහැදිළි කර දී රට ගොඩනැගීමේ නව වැඩපිළිවෙළ ගමට ගෙනයාමට කණ්ඩායමක් ලෙස එක්විය යුතු බවත් ජනාධිපතිවරයා එහිදී ප්රකාශ කර සිටියා.
යල් පැන ගිය ආර්ථික ප්රතිපත්ති වෙනුවට නව ආර්ථික ප්රතිපත්තියක වැදගත්කම පෙන්වා දුන් ජනාධිපතිවරයා සියලුදෙනා අලුතින් සිතා අලුත් ගමනකට සූදානම් විය යුතු බවත්, ජනතා ගැටලුවට විසඳුම් නොසොයා පැරණි සටන් පාඨ කීමෙන් ඵලක් නොවන බවත් පෙන්වා දුන්නා.
