සරම්ප නිවාරණ සතිය අද සිට

සරම්ප නිවාරණ සතිය අද (04) දිනයේ සිට ආරම්භ වන බව සෞඛ්‍ය අමාත්‍යාංශය දැනුම් දෙනවා.

එහි වසංගත රෝග විද්‍යා ඒකකය පැවසුවේ, අද (04) දිනයේ සිට ලබන 09 වනදා දක්වා දිවයිනේ දිස්ත්‍රික්ක 12ක් ආශ්‍රිතව මෙම වැඩසටහන ක්‍රියාත්මක කරන බවයි.

අද දිනයේ සිට සිකුරාදා දක්වා නිවෙස් , සේවා ස්ථාන හා උසස් අධ්‍යාපන ආයතන වෙත ගොස් දැනුවත් කිරීමේ වැඩසටහන් ක්‍රියාත්මක කෙරෙන අතර, ලබන 09 වන සෙනසුරාදා සරම්ප එන්නත් ලබාදීමේ වැඩසටහන ක්‍රියාත්මක වනවා.

මේ අතර පසුගිය වසරේ මැයි මාසයේ සිට මේ දක්වා කාලය තුළ සරම්ප රෝගීන් 1,100 ක් වාර්තා වී තිබෙනවා.

මෙරටින් තුරන් කළ සරම්ප රෝගය නැවත රට තුළ ව්‍යාප්තවීමේ අවදානම හේතුවෙන් වසංගත රෝග තත්ත්වයන් සඳහා ක්ෂණික ප්‍රතිචාර දැක්වීමේ ඒකකයක් ද විවෘත කර ඇති අතර, එම ඒකකය පෙරවරු 7.00 සිට පස්වරු 6.00 දක්වා විවෘතව තැබෙන බවයි සෞඛ්‍ය අමාත්‍යාශය සඳහන් කළේ.