සමූපකාරවලට අයත් ඉන්ධන පිරවුම්හල්වල ගැටලු විසදීම සම්බන්ධයෙන් විශේෂ සාකච්ඡාවක් බලශක්ති අමාත්යාංශයේදී.
සමූපකාරවලට අයත් ඉන්ධන පිරවුම්හලවලට අදාළව පවතින විවිධ ගැටලු විසදීම සම්බන්ධයෙන් විශේෂ සාකච්ඡාවක් බලශක්ති අමාත්යාංශයේ දී පැවැත් වුණා.
වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ සහ බලශක්ති අමාත්ය අනුර කරුණාතිලකගේ ප්රධානත්වයෙන්, බලශක්ති අමාත්යාංශයේ ඉහළ නිලධාරීන් සහ සමූපකාර සමිති සභාපතිවරු සමඟින් මෙම සාකච්ඡාව පැවැත් වුණා.
මෙහිදී සමූපකාර ඉන්ධන පිරවුම්හල්වලට ලබාදෙන වට්ටම්, ණය පදනම මත ඉන්ධන නිකුත්කිරීම, ඉන්ධන පිරවුම්හල් අයත් ඉඩම් හිමිකාරීත්වය පිළිබදව ඇති ගැටලු මෙන්ම ඉන්ධන පිරවුම්හල් ඉදිකිරීම හෝ අලුත්වැඩියාකිරීම සම්බන්ධයෙන් සාකච්ඡාවට ලක් කෙරුණා.
මෙම සාකච්ඡාව සඳහා සමූපකාර සංවර්ධන නියෝජ්ය ආමාත්ය උපාලි සමරසිංහ, ඛණිජ තෙල් සංස්ථාවේ සභාපති ජනක රාජකරුණා, ඛණිජ තෙල් සංස්ථාවේ කළමනාකාර අධ්යක්ෂක මයුර නෙත්තිකුමාර මෙන්ම බලශක්ති අමාත්යාංශයේ ඉහළ නිලධාරීන්, සමූකාර සමිති සභාපතිවරු, සාමාන්යාධිකාරීවරු ඇතුළු පිරිසක් සහභාගීව සිටියා.
