සමථ මූල මණ්ඩලයක් වෙත පැමිණි දෙපාර්ශවයක් අතර ඇති වූ බහින් බස්වීමක් අතර සිදුකළ පහර දීමකින් පුද්ගලයෙක් ජීවිතක්ෂයට පත්ව තිබෙනවා.
ඊයේ (25) දහවල් තිහගොඩ පොලිස් වසමේ පෙතන්ගහවත්ත විහාරස්ථානයේ පවත්වන ලෙස සමථ මූල මණ්ඩලයට දෙපාර්ශවක් කැඳවා ඇත්තේ එම දෙපාර්ශවය අතර පැවති ආරවුලක් නිරාකරණය කිරීම සඳහායි.
එම අවස්ථාවේ දෙපාර්ශවය අතර බහින් බස්වීමක් සිදුව ඇති අතර, එහිදී පහරදීමක් සිදුව තිබෙනවා.
එම පහරදීමෙන් තුවාල ලැබූ පුද්ගලයෙක් මාතර මහ රෝහලට ඇතුළත් කර ඇති අතර, ඔහුව වැඩිදුර ප්‍රතිකාර සඳහා කරාපිටිය මහ රෝහල වෙත මාරුකර ඇති බවයි පොලිසිය සඳහන් කළේ.
එලෙස කරාපිටිය මහ රෝහල වෙත මාරුකර යැවූ එම පුද්ගලයා මියගොස් ඇති අතර, මෙලෙස මියගොස් ඇත්තේ වයස අවුරුදු 73ක අයෙක්.
පහරදීමට සම්බන්ධ පුද්ගලයෙක් සැකපිට අත්අඩංගුවට ගෙන ඇති අතර, තිහගොඩ පොලිසිය වැඩිදුර පරීක්ෂණ පවත්වනවා.
