සංචාරක කර්මාන්තය ප්රවර්ධනය කිරීම සඳහා දිවයිනේ විවිධ ප්රදේශවල ක්රියාත්මක කර ඇති ව්යාපෘතිවල වත්මන් ප්රගතිය සහ සංචාරක ක්ෂේත්රය තවදුරටත් සංවර්ධනය කිරීම සඳහා ලබන වසරේ අයවැයෙන් වෙන් කිරීමට යෝජිත ප්රතිපාදන පිළිබඳව විදේශ කටයුතු, විදේශ රැකියා හා සංචාරක කටයුතු පිළිබඳ අමාත්යාංශීය උපදේශක කාරක සභාවේදී දීර්ඝ වශයෙන් සාකච්ඡා කෙරුණා.
ඒ, එම උපදේශක කාරක සභාව එහි සභාපති, විදේශ කටයුතු, විදේශ රැකියා හා සංචාරක අමාත්ය විජිත හේරත්ගේ ප්රධානත්වයෙන් පසුගියදා පාර්ලිමේන්තුවේදී රැස් වූ අවස්ථාවේදී යි.
මෙහිදී, ශ්රී ලංකාව විදේශ රටවල් සමඟ එළඹ ඇති වෙළෙඳ ගිවිසුම්වල වත්මන් තත්ත්වය පිළිබඳව ද කාරක සභාවේ අවධානය යොමු වුණා.
විදේශ වෙළෙඳ ගිවිසුම් සමාලෝචනය කිරීම සඳහා විශේෂ කමිටුවක් පත් කර ඇති බවත්, එම කමිටුවේ වාර්තාව ලැබීමෙන් අනතුරුව අවශ්ය ප්රතිපත්තිමය තීරණ ගනු ලබන බවත් කාරක සභාවේ සභාපතිවරයා සඳහන් කළා.
එමෙන්ම, සංචාරක කර්මාන්තය තවදුරටත් ප්රවර්ධනය කිරීම සඳහා දිවයිනේ විවිධ ප්රදේශවල ක්රියාත්මක කළ හැකි නව ව්යාපෘති හා වැඩසටහන් සම්බන්ධයෙන් පාර්ලිමේන්තු මන්ත්රීවරුන් විසින් යෝජනා රැසක් කාරක සභාවේ අවධානයට යොමු කරන ලැබුවා.
මෙම රැස්වීමට විදේශ කටයුතු හා විදේශ රැකියා නියෝජ්ය අමාත්ය අරුන් හේමචන්ද්ර , සංචාරක නියෝජ්ය අමාත්ය මහාචාර්ය රුවන් රණසිංහ සහ කාරක සභාවේ සාමාජික පාර්ලිමේන්තු මන්ත්රීවරු සහභාගි වුණා.
