“ෂී ජින්පිං – චීන පාලනතන්ත්රය” ග්රන්ථයේ 05 වන වෙළුම එළි දැක්වීමේ උත්සවයක් ශ්රී ලංකාවේදී පැවැත්වුණා.
ශ්රී ලංකාව සහ චීනය, නවීකරණ ක්රියාමාර්ගයේ අත්වැල් බැදගෙන ගමන් කිරීම වෙනුවෙන් අත්දැකීම් හුවමාරු කර ගැනීම එම උත්සවයේ තේමාවයි.
ශ්රී ලංකා කථානායකවරයා, ශ්රී ලංකාවේ චීන තානාපතිවරයා, චීන කොමියුනිස්ට් පක්ෂ මධ්යම කාරක සභාවේ සංස්කෘතික හා සදාචාරාත්මක ප්රවර්ධනය මෙහෙයවීම පිළිබඳ ප්රධානියා, ශ්රී ලංකා අධ්යාපන හා උසස් අධ්යාපන නියෝජ්ය ඇමතිවරයා ඇතුළු නිලධාරින් පිරිසක් ඊට එක්ව සිටියා.
නව යුගයක් සඳහා චීන ලක්ෂණ සහිත සමාජවාදය පිළිබඳ චීන ජනාධිපති ෂී ජින්පිංගේ චින්තනයේ නවතම න්යායාත්මක සහ ප්රායෝගික ජයග්රහණ පුළුල් ව, ක්රමවත් ව ඉදිරිපත් කිරීමට මෙම ග්රන්ථය ඉවහල් වන බව එම උත්සවයේදී රැස්ව සිටි පිරිස සඳහන් කළා.
චීනය නවීකරණය කරා ගිය ගමනේ න්යාය සහ භාවිතය මෙම කෘතියෙහි මැනවින් ඉදිරිපත් කර තිබෙනවා.
චීනයේ ආණ්ඩුකරණය, සංවර්ධනය, ප්රතිසංස්කරණ, නවෝත්පාදන සහ ජාත්යන්තර සහයෝගීතාව සඳහා වූ දැක්ම මෙම ග්රන්ථය මගින් සැපයීම විශේෂත්වයකි. පොදු අනාගතයක් සහිත මානව ප්රජාව ගොඩනැගීමේ සංකල්පය තුළින්, ලෝකය සමඟ සංවර්ධන අවස්ථා හුවමාරු කර ගනිමින් ගෝලීය සමෘද්ධියට දායක වීමට චීනය දැඩිව උත්සාහ කර තිබෙනවා.
“එක් තීරයක්, එක් මාවතක්” යන මුලපිරුම උසස් ගුණත්වයෙන් යුතු සංවර්ධනයේ නව අදියරකට පිවිසීමේදී, ශ්රී ලංකාව අන්යෝන්ය වශයෙන් ප්රයෝජනවත් මෙන්ම පොදු ජයග්රහණ සහිත ව චීනය සමඟ සහයෝගීතාව ශක්තිමත් කිරීමට බලාපොරොත්තු වන බව ශ්රී ලංකා කතානායක වෛද්ය ජගත් වික්රමරත්න එහිදී අවධාරණය කළා.
