ශ්‍රී ලංකාව සමඟ පවැත්වෙන පළමු විස්සයි විස්ස තරගයේ කාසිය වාසිය දිනා පළමුව පන්දුවට පහර දුන් නවසීලන්තය පන්දුවාර 19යි පන්දු 03ක් තුළ කඩුලු සියල්ල දැවී ලකුණු 135කට සීමා වුණා.
මෙහිදී ශ්‍රී ලංකා පන්දු යවන්නන් නවසීලන්ත පිතිකරුවන්ට දැඩි තර්ජනයක් එල්ල කළ ආකාරය දැකගත හැකි වුණා.
එහි ප්‍රතිඵලයක් ලෙස නවසීලන්තයට පළමු පන්දුවාර 10 තුළ කඩුලු 05ක් දැවී රැස්කරගත හැකි වුයේ ලකුණු 60ක් පමණයි.
නවසීලන්ත ඉනිම වෙනුවෙන් මයිකල් බ්‍රේස්වෙල් ලකුණු 26ක් රැස්කළ අතර, සකරි ෆොක්ස් ලකුණු 27ක් රැස් කළා.
නවසීලන්ත ඉනිම තුළ වාර්තා වුණේ හතරේ පහර අටක් සහ හයේ පහර තුනක් වීම ද විශේෂත්වයක්.
පන්දු යැවීමේ දී මතීෂ පතිරණ, වනිදු හසරංග සහ නුවන් තුෂාර අතරේ කඩුලු 02 බැගින් බෙදී ගියා.
දුනිත් වෙල්ලාලගේ දවාගත් කඩුලු සංඛ්‍යාව 03ක්.
ඒ, අනුව මෙම තරග ජයගැනීමට ශ්‍රී ලංකාවට පන්දු 120ක් තුළ ලකුණු 136ක ඉලක්කයක් හිමිව තිබෙනවා.
