සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර ටෙස්ට් තරගාවලියේ පළමු තරගයෙන් ඉනිමක සහ ලකුණු 217ක දැවැන්ත පරාජයක් අත්විදීමට ශ්රී ලංකා කණ්ඩායමට සිදුවුණා.
ඇන්ටිගුවා හි නෝර්ත් සවුන්ඩ් ක්රීඩාංගණයේ දී ආරම්භ වූ තරගයේ පළමුවෙන් පන්දුවට පහර දුන් ශ්රී ලංකා කණ්ඩායම පළමු ඉනිමේ දී කඩුලු 9ක් දැවී ලකුණු 308ක් රැස්කර ගනු ලැබුවා.
පසුව පිටියට පිවිසි බටහිර ඉන්දීය කොදෙව් පිතිකරුවන් සිය පළමු ඉනිම සඳහා ලකුණු 626ක දැවැන්ත ලකුණු පුවරුවක් නිර්මාණය කළා.
එහිදී ජාත්යන්තර ටෙස්ට් ක්රිකට් ඉතිහාසයේ 06 වැනි කඩුල්ලක් වෙනුවෙන් ගොඩනැඟුණු ඉහළම සබඳතාවය වන ලකුණු 401ක සබඳතාවය පිහිටුවීමට බටහිර ඉන්දීය කොදෙව් කණ්ඩායමේ අමීර් ජැංගු සහ නායක රොස්ටන් චේස් සමත් වුණා.
බටහිර ඉන්දීය කොදෙව් කණ්ඩායම පළමු ඉනිමට වඩා ලකුණු 318කින් සිය දෙවැනි ඉනිම් ඇරඹු ශ්රී ලංකා කණ්ඩායමට දෙවැනි ඉනිම වෙනුවෙන් රැස්කර ගැනීමට හැකි වුණේ ලකුණු 101ක් පමණයි.
ඒ අනුව තරගයෙන් ඉනිමක සහ ලකුණු 217ක දැවැන්ත පරාජයක් අත්විදීමට ශ්රී ලංකා කණ්ඩායමට සිදුවුණා.
