යුක්රේනයට එරෙහි රුසියාවේ ආක්රමණශීලී යුද්ධයෙන් සහ පුළුල් ගෝලීය අභියෝගවලින් අඩු සහ මධ්යම ආදායම් ලබන රටවල් අසමාන ලෙස පීඩාවට පත්ව සිටීම පිළිබඳ අවදානය යොමුවී ඇතැයි G7 රටවල නායකයින් පවසනවා.
ප්රංශය, ඉන්දියාව සහ ජපානය ශ්රී ලංකාව වෙනුවෙන් ණය හිමියන්ගේ රැස්වීමක් ආරම්භ කිරීම අගය කරන බවයි ඔවුන් ප්රකාශ කර ඇත්තේ.
ණය පියවීම සඳහා අනාගත බහුපාර්ශ්වික ප්රයත්නයන් සඳහා සාර්ථක ආදර්ශයක් ලෙස කඩිනම් විසඳුමක් අපේක්ෂා කරන බව ද G7 රටවල නායකයින් සඳහන් කර තිබෙනවා.
ශ්රී ලංකාව මේ වනවිට මුහුණ දී තිබෙන තත්ත්වය සම්බන්ධයෙන් ජපානයේදී පැවැත්වෙන G7 සමුළුවේදී අවධානය යොමු වූ අතර G7 නායකයින් පෙන්වා දී ඇත්තේ ණය ප්රතිව්යුහගතකරණය සඳහා ණයහිමියන්ගේ සාකච්ඡා මෙහෙයවීම අගය කරන බවයි.
මධ්යම ආදායම් ලබන රටවල ණය අවශ්යතා නැවත අවධාරණය කරන අතර ණය සේවා අත්හිටුවීම ඉක්මවා ණය සඳහා වන පොදු රාමුව ක්රියාත්මක කිරීම වැඩි දියුණු කිරීමට G20 රටවල් දරන උත්සාහයට පූර්ණ සහය දෙන බව ද ඔවුන් සඳහන් කර තිබෙනවා.
