ලන්ඩනයේ හීත්රෝ ගුවන්තොටුපලේදී සහ සිංගප්පූරුවේ චැන්ගි ගුවන්තොටුපොළේදී සීමාසහිත ශ්රී ලංකන් ගුවන් සේවා සමාගමේ ගුවන් යානා සඳහා ඉන්ධන සැපයීමේ කොන්ත්රාත් ජාත්යන්තර සමාගමකට ප්රදානය කිරීමට අමාත්ය මණ්ඩලය අනුමැතිය ලබා දී තිබෙනවා.
ශ්රී ලංකා ගුවන් සේවා සමාගමේ ගුවන් යානා සඳහා ඉන්ධන සපයා ගැනීම වෙනුවෙන් සීමිත ජාත්යන්තර තරගකාරී ලංසු කැඳවා තිබුණා.
ඒ සඳහා ලංසු 3ක් බැගින් ලැබී ඇති බවටයි අමාත්ය මණ්ඩයට දැනුම් දී ඇත්තේ.
ඒ අනුව අමාත්ය මණ්ඩලය විසින් පත් කරන ලද ස්ථාවර ප්රසම්පාදන කමිටුව විසින් නිර්දේශ කරනු ලැබ ඇති පරිදි සාරානුකූලව ප්රතිචාර දක්වන ලද අවම මිල ගණන් ඉදිරිපත් කළ Shell Markets (Middle East) Limited සමාගම වෙත ඉහත ගුවන් තොටුපලවලදී ශ්රී ලංකන් ගුවන් යානා සඳහා ඉන්ධන ලබා ගැනීම සඳහා වන කොන්ත්රාත් පිරිනැමීමට වරාය නාවික සහ ගුවන් සේවා අමාත්යවරයා ඉදිරිපත් කළ යෝජනාව කැබිනට් මණ්ඩලය අනුමත කර තිබෙනවා.
මේ අතර සීමාසහිත Sri Lankan Airlines සඳහා බිම් මෙහෙවර සේවා සපයා ගැනීමේ (Ground Handling Services) සැපයීම සඳහා ජාත්යන්තර සමාගම් හතරකට කොන්ත්රාත්තු ප්රදානය කිරීමට අමාත්ය මණ්ඩලය අනුමැතිය ලබා දී තිබෙනවා.
ඉන්දියාවේ දිල්ලි සහ ට්රිචි ජාත්යන්තර ගුවන්තොටුපළ, චීනයේ බීජිං ජාත්යන්තර ගුවන්තොටුපළ සහ කුවේට් ජාත්යන්තර ගුවන්තොටුපළෙහි ශ්රී ලංකන් එයාර්ලයින්ස් ලිමිටඩ් සඳහා ගොඩබිම් හැසිරවීමේ සේවා සපයන්නන් තෝරා ගැනීම සඳහා සීමිත ජාත්යන්තර ලංසු කැඳවා තිබුණා.
ඒ අනුව අමාත්ය මණ්ඩලය විසින් පත් කරන ලද ස්ථාවර ප්රසම්පාදන කමිටුව විසින් නිර්දේශ කර ඇති පරිදි
Celebi Airport Services India Pvt. Ltd.
Bird Airport Services (Trichy) Pvt. Ltd.
Beijing Aviation Ground Services Company Limited
National Aviation Services W.L.L.
යන ලංසුකරුවන්ට එම කොන්ත්රාත්තු ප්රදානය කිරීමට වරාය නාවික සහ ගුවන් සේවා අමාත්යවරයා විසින් කරන ලද යෝජනාවට අමාත්ය මණ්ඩල අනුමැතිය හිමි වී තිබෙනවා.
