යතුරුපැදියක ගමන් ගත් යුවළක් මෝටර් රථයක ගැටීමට සලස්වා ඝාතනය කිරීමට උත්සාහ කළ සැකකරුවන් දෙදෙනෙකු පොලිස් අත්අඩංගුවට ගෙන තිබෙනවා.
ඊයේ (20) සවස අතුරුගිරිය මයිලංගම මාර්ගයේ ක්රීඩාංගණයක් අසලදී මෙම අනතුර සිදුවී ඇති බවයි පොලිසිය ප්රකාශ කළේ.
මෙම අනතුරින් තුවාල ලැබූ හෝමාගම ප්රදේශයේ පදිංචි 26 හැවිරිදි කාන්තාව කොළඹ ජාතික රෝහලට ඇතුලත් කර තිබෙනවා.
ඇය මෙම සිද්ධිය සම්බන්ධයෙන් සිදු කළ ප්රකාශයක් අනුවයි අතුරුගිරිය පොලිසිය විමර්ශණ ආර්මභ කර ඇත්තේ.
තුවාල ලබා ඇති මෙම කාන්තාව ගණිකා වෘත්තියේ නියැළෙන බවට ඇයගේ දුරකථන අංකය සහ වෙනත් කාන්තාවකගේ ඡායාරූපයක් යොදා ගනිමින් අන්තර්ජාලය ඔස්සේ දැන්වීමක් පළකර තිබෙනවා.
අනතුරුව එම ඡායාරූපයේ සිටින කාන්තාවගේ පෙම්වතා විසින් එහි ඇති දුරකථන අංකයට ඇමතුමක් ලබාදී ගණිකා වෘත්තියේ නියැළීම වෙනුවෙන් පැමිණෙන ලෙසටයි මෙම තුවාල ලැබූ කාන්තාවට ප්රකාශකර ඇත්තේ.
එම දැනුම්දීම අනුව ඇය තවත් පුද්ගලයෙකු සමග යතුරුපැදියකින් පැමිණ තිබෙනවා.
දුරකථන ඇමතුම ලබාදුන් පුද්ගලයා ද මෝටර් රථයකින් තවත් දෙදෙනෙකු සමග පැමිණ ඇති අතර එහිදී දෙපිරිස එකිනෙකා හඳුනාගෙන ඇති බවටයි හෙළිවී ඇත්තේ.
පසුව යතුරුපැදියේ පැමිණි කාන්තාව සහ අනෙක් පුද්ගලයා පළා යාමට උත්සාහ කිරීමේදී මෝටර් රථයේ පැමිණි පිරිස යතුරුපැදිය අනතුරට ලක් කර ඔවුන් අල්ලා ගැනීමට උත්සාහ කර තිබෙනවා.
මෙම අපරාධය සඳහා පැමිණි සැකකරුවන් තුන්දෙනෙකු ඔවුන් පැමිණි මෝටර් රථය ද සමගින් අත්අඩංගුවට ගෙන ඇති බවයි පොලිසිය සඳහන් කළේ.
අවුරුදු 21 සහ 22 වයස්වල පසුවන සැකකරුවන් අතුරුගිරිය සහ හෝමාගම ප්රදේශවල පදිංචිකරුවන්.
ඔවුන් ඊයේ කඩුවෙල මහේස්ත්රාත් අධිකරණයට ඉදිරිපත් කිරීමෙන් පසු ලබන 26 වනදා දක්වා රක්ෂිත බන්ධනාගාර ගතකර තිබෙනවා.
අතුරුගිරිය පොලිසියයි විමර්ශණ මෙහෙයවන්නේ.
