වෙඩි ප්රහාරයකට ලක්ව මේ වනවිට රෝහල් ගත කර සිටින ජපාන හිටපු අග්රාමාත්ය ෂින්සෝ අබේගේ තත්ත්වය බරපතල බව එරට වත්මන් අග්රාමාත්ය ෆුමියෝ කිෂිඩා පවසනවා.
විදෙස් මාධ්ය වෙත අදහස් දක්වමින් වත්මන් අග්රාමාත්ය ෆුමියෝ කිෂිඩා කියා සිටියේ අදාළ වෙඩි තැබීම නීච ක්රියාවක් බවයි.
ෂින්සෝ අබේගේ සෞඛ්ය තත්ත්වය යහපත් අතට හරවා ගැනීම සඳහා වෛද්යවරුන් දැඩි පරිශ්රමයක නිරත වන බව ඔහු එහිදී සඳහන්කර සිටියා.
හිටපු ජපාන අග්රාමාත්යවරයා අද (08) පෙරවරුවේ නාරා ප්රදේශයේ මැතිවරණ ප්රචාරණ රැස්වීමක ජනතාව අමතමින් තිබිය දී වෙඩි ප්රහාරයකට ලක් වූ අතර වෙඩි ප්රහාරයට ලක් වීමෙන් අනතුරුව ඔහු හෘදයාබාධයකට ද ලක්ව ඇති බවයි වාර්තා වුණේ.
සිද්ධිය සම්බන්ධයෙන් 40 හැවිරිදි සැකකරුවෙක් අත්අඩංගුවට ගැනීමට ජපාන ආරක්ෂක අංශ වෙත හැකිය ලැබුණා.
කෙසේ වෙතත් තම හිටපු නායකයාට සිදුවූ අපරාධය සම්බන්ධයෙන් මේ වනවිට ජපාන වැසියන් කම්පාවට පත්ව ඇති බවයි විදෙස් මාධ්ය වාර්තාකර සිටියේ.
