මහරගම, පතිරගොඩ පාර ප්රදේශයේ මාර්ගවල සිටින වීදි සුනඛයින්ට පොලු මුගුරු වලින් පහර දීම සහ යතුරුපැදියකින් යට කිරීමට තැත්කර සත්ව හිංසාව සිදු කිරීමේ චෝදනාව මත ඊයේ (05) දින කාන්තාවක් අත්අඩංගුවට ගත් බව මහරගම පොලිසිය පවසනවා.
මෙලෙස මෙම කාන්තාව විසින් එම සුනඛයින්ට හිංසා කිරීමට තැත්කරන ආකාරය දැක්වෙන රූපරාමු පෙළක්ද පසුගිය දින කිහිපයේ සමජ මාධ්ය සංසරණය වුණා
ප්රදේශවාසීන්ගෙන් ලද පැමිණිලි මත සිදුකළ විමර්ශණයකින් අනතුරුව මෙම කාන්තාව අත්අඩංගුවට ගෙන පොලිස් ඇප මත මුදාහැරීමට කටයුතු කළ බවද පොලිසිය පවසනවා.
සැකකාර කාන්තාව ඉකුත් වෙසක් පොහොය දින රාත්රී සහ අළුයම් කාලයේදී එම ප්රදේශයේ සිටි වීදි සුනඛයින්ට පහර දීම් සිදුකල ආකාරය සහ යතුරුපැදියකින් යට කිරීමට උත්සහා කරන ආකාරය ආරක්ෂිත කැමරාවල සටහන්ව තිබූ බවද පොලිසිය සඳහන් කළා.
මෙලෙස අත්අඩංගුවට ගෙන ඇත්තේ මහරගම පතිරගොඩ පාර පදිංචිව සිටි විශ්ව විද්යාල උපාධිධාරිණියක වන රජයේ බැංකුවක විධායක ශ්රේණියේ රැකියාවක නිතර කාන්තාවක්.
පොලිස් ඇප මත මුදාහල කාන්තාව ලබන 10 දින ගංගොඩවිල මහේස්ත්රාත් අධිකරණය වෙත ඉදිරිපත් කිරීමට නියමිතයි.
මානසික ලෙඩෙක්. අනුකම්පා කලයුතු චරිතයක්.
Roads are for people and vehicles to travel. Not for stray dogs. If a stray dog bite you on the road, who takes. The responsibility.