විපක්ෂ නායකයාගෙන් සංවර්ධන නිලධාරීන්ට සහතිකයක්

බීජ පොහාරවලට සහන මිලක් සහ ස්ථාවර මිලක් ලබා නොදීම හේතුවෙන් මේ වන විට සෑම ගොවියෙක්ම අසරණ වී ඇති බව විපක්ෂ නායක සජිත් ප්‍රේමදාස පවසනවා.

එමෙන්ම ධීවරයින්ට ලබා දෙන බවට පැවසූ සම්පත් හා සහන ද මේ වන විට පවා කප්පාදු කර ඇති බවට විපක්ෂ නායකවරයා පෙන්වා දුන්නා.

විපක්ෂ නායක සජිත් ප්‍රේමදාස මේ බව කියා සිටියේ අද (16) සංවර්ධන නිලධාරීන් සමග පැවැති සාකච්ඡාව අතරතුරදී යි.

එහිදී විපක්ෂ නායකවරයා වැඩිදුරටත් පෙන්වා දුන්නේ සංවර්ධන නිලධාරීන්ගේ මුහුණදී සිටින ගැටළු සම්බන්ධයෙන් දිගින් දිගටම පාර්ලිමේන්තුවේ දී හඬ නගන බවත්, රජය අද වන විට උපාධිධාරීන් වින්දිතයන් බවට පත් කර ඇති බවත්, මොවුන් නියෝජනය කරමින් පාර්ලිමේන්තු ගිය අය පවා උපාධිධාරීන් අමතක කර තිබුණද සමගි ජන බලවේගය මේ වෙනුවෙන් සටන් කරන බව විපක්ෂ නායකවරයා සඳහන් කළා.