විදෙස් ගත වූ බැසිල් ඉක්මනින් යළි ලංකාවට (වීඩියෝ)

විදේශගත වූ ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ, මහ මැතිවරණය කටයුතු මෙහෙයවීම සඳහා ඉතා ඉක්මනින් යළි දිවයිනට පැමිණීමට නියමිත බව එම පක්ෂයේ මහ ලේකම් සාගර කාරියවසම් පවසනවා.

වෛද්‍ය පරීක්ෂණක් සඳහා බැසිල් රාජපක්ෂ අද මෙලෙස දිවයිනේන් පිටත්ව ගිය බවයි මහ ලේකම්වරයා සඳහන් කළේ.

ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ අද (20) අලුයම ඇමෙරිකාව බලා පිටත්ව ගියා.

අද (20) අලුයම 03.05ට එමිරේට්ස් ගුවන් සේවයේ ඊ.කේ.- 649 දරණ ගුවන් යානයෙන් ඩුබායි වෙත පිටත්ව ගොස් අනතුරුව ඇමරිකාව බලා යෑමට නියමිත බවයි තොරතුරු වාර්තා වුණේ.