සංවිධානාත්මක අපරාධකරුවකු සහ මත්ද්රව්ය ජාවාරම්කරුවකුවන වැල්ලේ සාරංගගේ ප්රධාන ගෝලයෙකු හෙරොයින් සමඟ පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ පසුගිය 16 වනදා මෝදර – ලෙල්ලම ප්රදේශයේ දී වෙඩිතබා පුද්ගලයෙකු ඝාතනය කිරීමට තැත් කිරීමේ සිද්ධියේ ප්රධාන සැකකරුවෙක් බවයි වාර්තා වුණේ.
කඩවත, මංකඩ පාර අධිවේගී පාලම අසල දී සැකකරුව පොලිස් විශේෂ කාර්ය බලකාය විසින් අත්අඩංගුවට ගෙන ඇති අතර, සැකකරුගෙන් සිදුකරන ලද වැඩිදුර ප්රශ්ණ කිරීමේ දී 2007 වසරේ සිට 2013 වසර දක්වා ශ්රී ලංකා පාබල හමුදාවේ සේවය කර ඇති බවටයි අනාවරණය වී ඇත්තේ.
අත්අඩංගුවට ගැනුණු සැකකරු විදේශ ගතව සිටින සංවිධානාත්මක අපරාධකරුවකු සහ මත්ද්රව්ය ජාවාරම්කරුවකු වන වැල්ලේ සාරංග හා සම්බන්ධ වී ඔහුගේ මෙරට මත්ද්රව්ය ජාවාරම් හා කප්පම් ගැනීම්, සංවිධානාත්මක අපරාධ මෙහෙයවන ප්රධාන පෙළෙ ගෝලයෙකු ලෙස කටයුතු කර තිබෙනවා.
වැල්ලේ සාරංග යන අයගේ කොන්ත්රාතුවක් මත පසුගිය 16 වන දින මෝදර – ලෙල්ලම ප්රදේශයේ දී වෙඩිතබා පුද්ගලයෙකු ඝාතනය කිරීමට තැත් කිරීමට අදාළ සිදුවීමේ වෙඩි තැබීමට පෙර ගිනි අවිය හා වෙඩික්කරු මොහුට අයත් ත්රීරෝද රථයෙන් තොටලග ප්රදේශයේ සිට මෝදර ලෙල්ලම ප්රදේශයට ප්රවාහනය කිරීම හා වෙඩි තැබීමෙන් පසු වෙඩික්කරු පෑලියගොඩ ප්රදේශයට රැගෙන විත් පාලායාමට අනුබල දීම හා ගිනි අවිය කඩවත ප්රදේශයට රැගෙන විත් තවත් පුද්ගලයෙකුට ලබා දී සැඟවීමට ඍජු ලෙස අධාර අනුබල දී ඇති බවට අනාවරණය වී ඇත්තේ.
සැකකරු වැඩිදුර විමර්ශණ කටයුතු සදහා කොළඹ අපරාධ කොට්ඨාශය වෙත භාර දී ඇති බවයි වාර්තා වුණේ.
