නාසා ආයතනය ලබා දුන් වැරදි විධානයන් කිහිපයක් හේතුවෙන් අභ්යවකාශ මෙහෙයුමක් තාවකාලිකව බිඳ වැටුණු පුවතක් වාර්තා වී තිබෙනවා.
මෙලෙස නාසා ආයතනයට වැරදී ඇත්තේ 1977 වසරේ සිට ක්රියාත්මක ඉතිහාසගත අභ්යවකාශ මෙහෙයුමක් වීම විශේෂත්වයක්.
මෙම වැරදි විධානය ලබාදී තිබුණේ වොයේජර් 2 අභ්යවකාශ යානයටයි. වොයේජර් 2 අභ්යවකාශ යානය යනු මිනිසා ඈත විශ්වය වෙත වැඩිම දුරක් යවා ඇති දෙවැනි යානය වනවා.
වොයේජර් 2 අභ්යවකාශ යානය වෙත ලබාදුන් වැරදි විධාන හේතුවෙන් එය පෘතුවිය සමග තිබූ සම්බන්ධය තාවකාලිකව බිඳ වැටුණා.
ඒ වන විට එම අභ්යවකාශ යානය පෘතුවියට කිලෝ මීටර් බිලියන 19.9 දුරින් ස්ථානගත වී තිබීම විශේෂත්වයක්.
විදෙස් මාධ්ය වාර්තාවල දැක්වෙන්නේ අනුව ලබා දුන් වැරදි විධානයන් හේතුවෙන් වොයේජර් 2 අභ්යවකාශ යානයේ ඇන්ටනාව අංශක දෙකකකින් පෘතුවියෙන් ඉවතට හැරී තිබෙනවා.
ඒ අනුවයි වොයේජර් 2 යානය සහ පෘතුවිය අතර තිබූ සබඳතාවය තාවකාලිකව බිඳ වැටි ඇත්තේ.
යානය ඇති කිලෝ මීටර් බිලියන 19.9 ක දුරක සිට පෘථිවියට සංඥාවක් පැමිණීමට පැය 18කට වඩා කාලයක් ගතවන බවයි නාසා ආයතනය පවසන්නේ.
කෙසේවෙතත් සම්බන්ධතා නැතිවීමෙන් පසුව නාසා ආයතනය යළිත් වොයේජර් 2 යානයෙන් සංඥාවක් ලබාගෙන ඇති බව අභ්යවකාශ ඒජන්සිය සඳහන් කර තිබෙනවා.
අඟහරුවාදා නාසා ආයතනය පැවසුවේ Voyager 2 වෙතින් සංඥාවක් ලැබුණු බවයි.
