වැඩි මිලට සහල් අලෙවිකරන වෙළෙඳුන් සොයා පාරිභෝගික කටයුතු පිළිබඳ අධිකාරියේ නිලධාරීන් පිටකොටුව ප්රදේශයේ අද (08) මෙහෙයුමක් දියත් කළා.
මෙහිදී සහල් තොග අලෙවිසැල් පාරිභෝගික අධිකාරියේ නිලධාරීන්ගේ උපාය දුතන් ලෙස යොදවා පරීක්ෂා කිරීමක් සිදුකර තිබෙනවා.
එහිදී පාලන මිල ඉක්මවා සහල් අලෙවි කළ වෙළඳසැලකට එරෙහිව කොළඹ අලුත්කඩේ මහේස්ත්රාත් අධිකරණයේ නඩු පැවරීම කටයුතු කළා.
ඊට අමතරව සහල් ඇසුරුමේ මිල ප්රදර්ශනය නොකිරීම සම්බන්ධයෙන් තවත් වෙළඳසැලකට එරෙහිව නීතිය ක්රියාත්මක කිරීමටයි කටයුතු කළේ.
මේ අතර පාරිභෝගික කටයුතු පිළිබඳ අධිකාරියේ සභාපති හේමන්ත සමරකෝන් සඳහන් කළේ සහල් වැඩිමිලට විකිණීම සම්බන්ධ වැටලීම් 2000 කට අධික සංඛ්යාවක් මේ වනවිට සිදුකර ඇති බවයි.
එමෙන්ම රාත්රී කාලයේ දී සහ සති අන්ත දිනයන්වල දී ද මෙම වැටලීම් සිදුකරන බවයි සභාපතිවරයා වැඩිදුරටත් සඳහන් කර සිටියේ.
සහල් වැඩිමිලට අලෙවි කිරීම සම්බන්ධව අධිකරනගේ වරදකරුවකු වූ අයෙකුට (තනි පුද්ග්ගල ව්යාපාරයකට) රුපියල් ලක්ෂයේ සිට ලක්ෂ 05 දක්වා, සමාගමක් නම් රුපියල් ලක්ෂ 05 සිට ලක්ෂ 50 දක්වා දඩ නියම කිරීමට හැකි බවයි සභාපතිවරයා පැවසුවේ.
