ඇති වූ ආපදා තත්ත්වය හේතුවෙන් නුවරඑළිය දිස්ත්රික්කයේ පාසැල් නැවත ආරම්භ කිරීම සහ අධ්යාපන ක්ෂේත්රයේ මතුව ඇති ගැටළු සම්බන්ධයෙන් සාකච්ඡා කිරීමට අග්රාමාත්ය හරිනි අමරසූරියගේ ප්රධානත්වයෙන් විශේෂ සකච්ඡාවක් නුවරඑළියේ දී ඊයේ (13) පැවැත් වුණා.
නුවරඑළිය සිනෙසිටා නගර ශාලවේදී පැවති මෙම සාකච්ඡාවට නුවරඑළිය අධ්යාපන කලාපයේ කලාප අධ්යාපන අධ්යක්ෂකවරුන්, විදුහල්පතිවරුන් ඇතුළු පිරිසක් එක්ව සිටියා.
දිවයිනේ සියලු පාසල් දෙසැම්බර් 16 වන දින යළි ආරම්භ කිරීමට අධ්යාපන අමාත්යංශය තීරණය කළ ද, පැවති ආපදා තත්ත්වය හේතුවෙන් පැසල් පැවැත්වීම සම්බන්ධ තීන්දු තීරණ ගැනීමට අදාළ පළාත් දිස්ත්රික්ක බලධාරීන්ට බලය ලබා දී ඇති බවයි අග්රාමාත්යවරිය සඳහන් කළේ.
අවධානම් ප්රදේශවල පිහිටා ඇති පාසල්වලට ජාතික ගොඩනැගිලි පර්යේෂණ සංවිධානයේ වාර්තා ලබාගැනීම අනිවාර්ය
බවත්, ප්රවේශ මාර්ග සහ යටිතල පහසුකම් සම්බන්ධයෙන් වැඩි අවධානය යොමුකළ යුතු අතර, පාසල් යාම දරුවන්ට බරක් නොවිය යුතු බවත්, ගුරුභවතුන්ට සහ දරුවන්ට පහසු ඇදුමක් පැළදීමේ අවස්ථාව ඇති බවද මෙහිදී අග්රාමාත්යවරිය පැවසුවා.
වාර විභාග, විෂය නිර්දේශවලින් ඔබ්බට ගොස් දරුවන්ගේ මනස සුවපත් කිරීමට උත්සාහ කරන ලෙසත්, ආපදාවලින් ආතතියට පත් ළමුන් එයින් මුදවාගැනීමට නම්යශිලිව අවශ්ය කටයුතු යොදන ලෙස මෙහිදී ඇය උපදෙස් ලබා දුන්නා.
කුමන බාධක පැමිණියත් නව අධ්යාපන ප්රතිසංස්කරණ ක්රියාත්මක කිරීම සිදුකරන බව මේවන විට ගුරුවරුන් පුහුණු කිරීමේ කටයුතු 51% අවසන් බව අග්රාමාත්යතුමිය සඳහන් කර සිටියා.
මෙම ස්වාභාවික ව්යසනයෙන් පසුව රට පැවති තත්ත්වයට නොව ඊට වඩා ඉදිරියට ගෙනයාමට සියලු දෙනා කැපවීමෙන් වැඩ කළයුතු බවයි ඇය මෙහිදී වැඩිදුරටත් සඳහන් කළේ.
wpDiscuz
