බහාලුම් නිෂ්කාශනය ප්රමාද වීම නිසා කොළඹ වරායේ නැවතත් අධික තදබදයක් නිර්ණය වී ඇති බව බහාලුම් ප්රවාහන හිමිකරුවන්ගේ සංගමයේ සභාපති සනත් මංජුල පවසනවා.
බහාලුම් පටවා ගත් ලොරි රථ 700කට වැඩි ප්රමාණයක් දින හතරක්, පහක් පුරාවට වරාය පරිශ්රයේ පෝලිම් ගතව තිබෙන බව ද ඔවු සඳහන් කළා.
මේ වන විට ආනයනික බහාලුම් විශාල ප්රමාණයක් රට තුළට ආනයනය වී ඇති අතර පසුගිය සති කිහිපයේ ඇති වූ ආපදා තත්ත්වය මත එම බහාලුම් නිෂ්කාශනය කිරීමේ ප්රමාදයක් ඇති වූ නිසා වරාය පරිශ්රය තුළ මෙම තදබදය නිර්මාණය වී ඇති බවත් ඊයේ (12) මාධ්ය හමුවක් කැඳවමින් ඔහු පෙන්වා දුන්නා.
එමෙන්ම බහාලුම් නිෂ්කාශනය සඳහා පවතින ස්ථානයේ ඉඩකඩ සීමිත වීම පිළිබද ගැටළුව කලාන්තරය තිස්සේ පැන නැගී ඇති ගැටළුවක් බවත් එයට පිළියමක් ලෙස මෙම රජය විසින් කෙරවළපිටිය ප්රදේශයේ නව ස්ථානයක් හඳුන්වා දී තිබුණත් එම ස්ථානයේ බහාලුම් නිෂ්කාශනය සඳහා අවශ්ය වැඩ කටයුතු මේ වන තෙක් සිදුකර නොමැති බවත් බහාලුම් ප්රවාහන හිමිකරුවන්ගේ සංගමයේ සභාපතිවරයා චෝදනා කරනු ලබනවා.
