කළුතර විශේෂ අපරාධ විමර්ශන ඒකකයේ පොලිස් පරීක්ෂකවරයෙක් අල්ලස් හෝ දූෂණ චෝදනා විමර්ශණ කොමිෂන් සභාව මඟින් අත්අඩංගුවට ගෙන තිබෙනවා.
කළුතර ප්රදේශයේ ව්යාපාරිකයෙකුට අයත් වාහනයක් සම්බන්ධයෙන් විශේෂ අපරාධ විමර්ශන ඒකකය විසින් පරීක්ෂණයක් සිදුකරමින් පවතින අතර, එම පරීක්ෂණයට අදාළව අධිකරණයට අපරාධමය චෝදනා ගොනුනොකර සිටීම සදහා සැකකාර පොලිස් පරීක්ෂකවරයා විසින් රුපියල් ලක්ෂ 10ක මුදලක් අල්ලස් ලෙස ඉල්ලා ඇති බවයි වාර්තා වන්නේ.
ඒ, අනුව සැකකාර පොලිස් පරීක්ෂකවරයා අදාළ ව්යාපාරිකයාගෙන් රුපියල් ලක්ෂයක මුදලක් පසුගිය දිනක ලබගෙන ඇති අතර, ඉතිරි ලක්ෂ 09ක මුදල ලබාගැනීමට කළුතර ප්රදේශයේ ප්රසිද්ධ සංචාරක හෝටලයකට පැමිණ එම මුදල ලබා ගැනීමේ දී අල්ලස් කොමිසමේ නිලධාරීන් විසින් ඔහුව අත්අඩංගුවට ගෙන තිබෙනවා.
අත්අඩංගුවට ගැනුණු සැකකාර පොලිස් පරීක්ෂකවරයා කොළඹ ප්රධාන මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
