ශාසන ඉතිහාසයේ වැදගත් සිදුවීම් රැසක් සිදු වූ ඇසළ පුර පසළොස්වක පොහොය අදට යෙදී තිබෙනවා.
ඇසළ පුර පසළොස්වක පෝය බෝසතාණන් වහන්සේ මවු කුස පිළිසිඳ ගැනීම, අභිනිෂ්ක්රමණය, ප්රථම ධර්ම දේශනාව වූ “ධම්මචක්ක පවත්තන සූත්රය” දේශනා කිරීම ඇතුළු ශාසන ඉතිහාසයේ වැදගත් සිදුවීම් රැසක් සිදුවූ දිනයක්.
රාහුල කුමරුගේ උපත සිදුවීම, තීර්ථකයන්ගේ මානය බිඳීම සඳහා යමාමහ පෙළහර පෑම, කීර්ති ශ්රී රාජසිංහ රජුගේ කාලයේ සියම් රටින් උපාලි තෙරුන් වහන්සේ ඇතුළු පිරිස ගෙන්වා ලංකාවේ උපසම්පදාව යළි ඇති කිරීම ද ඇසළ පෝය දිනයේ සිදුවූ වැදගත් ශාසනික සිදුවීම අතර වනවා.
වෙහෙර විහාරස්ථානවල වැඩවසන භික්ෂූන් වහන්සේ වස් විසීම ආරම්භ කරන්නේ ද ඇසළ පොහොය දිනයේ දී වීම විශේෂත්වයක්.
බෞද්ධ සහ ශාසන ඉතිහාසයේ ඉතා වැදගත් පොහොයක් ලෙස සැලකෙන මෙම පුර පසළොස්වක පොහොය දිනය නිමිත්තෙන් දිවයින පුරා වෙහෙර විහාරස්ථානවල ආගමික වැඩසටහන් රැසක් අද දිනට පුරා ක්රියාත්මකයි.
නැවත සියම් දේශයෙන් බෞද්ධ භික්ෂුන් වහන්සේලා වැඩම කර මේ ගනින්නාන්සේලා විනාශ කරන බුදු දහම ආරක්ෂා කරගන්න වැඩ පිළිවෙලක් යෙදුවොත් ඉතාම කාලෝචිතයි.