වසර 34 කට පසු පාකිස්ථානයට එරෙහිව එක්දින තරගාවලි ජයක් වාර්තා කිරීමට බටහිර ඉන්දීය කොදෙව් කණ්ඩායමට ඊයේ (12) හැකි වුණා.
ඒ, සංචාරක පාකිස්ථාන කණ්ඩායම සමඟ පැවති තරග තුනකින් සමන්විත එක්දින තරගාවලිය තරග දෙකට එකක් ලෙස ජය ගනිමින්.
මේ අතර බටහිර ඉන්දීය කොදෙව් ක්රිකට් ඉතිහාසයේ පාකිස්ථානය එරෙහිව ලැබූ විශාලතම එක්දින තරග ජයග්රහණය ද වාර්තා කිරීමට කොදෙව්වන්ට ඊයේ දිනයේ හැකිවීම විශේෂත්වයක්.
දෙරට අතර පැවති තුන්වන සහ අවසන් එක්දින තරගය ලකුණු 202 කින් පරාජය කරමින් කොදෙව්වන් මෙම වාර්තාගත ජයග්රහණය හිමිකර ගත්තා.
කොදෙව් නායක ෂායි හොප්ගේ ලකුණු 120ක නොදැවුණු ඉනිම සහ ජේඩන් සීල්ස්ගේ සුපිරි කඩුලු හය සමඟින් කොදෙව්වන් අවසන් එක්දින තරගයෙන් මෙලෙස දැවැන්ත ජයක් හිමකර ගත්තා.
තරගයේ පළමුව පන්දුවට පහරදින් කොදෙව් ක්රීඩකයින් නියමිත පන්දුවාර 50 තුළ කඩුලු 06ක් දැවී ලකුණු 294ක් රැස්කළා.
පිළිතුරු ඉනිම ක්රීඩාකළ පාකිස්ථානයට පන්දුවාර 29යි පන්දු 02ක් තුළ සියල්ලන් දැවී රැස් කළේ ලකුණු 92ක් පමණයි.
ඒ අනුව මෙම තරගය කොදෙව් ක්රීඩකයින් ලකුණු 202කින් ජයගත් අතර තරගාවලියේ දෙවන තරගය ද කොදෙව්වන් කඩුලු 05කින් ජයගෙන තිබුණා.
මෙම එක්දින තරගාවලියේ පළමු තරගය පාකිස්ථානයට ජය හිමි වූ අතර, ඔවුන් එම තරගය ජයගත්තේ කඩුලු 05කින්.
