වවුනියාව,මහ නගර සභාවේ සෙංකෝලය වවුනියාව මහ නගර සභාවේ හිටපු නගරාධිපතිවරයා විසින් නිවසට රැගෙන ගොස් ඇති බව වවුනියාව මහ නගර සභාවේ නිළධාරීන් වවුනියාව පොලිසිය වෙත පැමිණිල්ලක් සිදුකොට ඇති බව වවුනියාව පොලිසිය පවසනවා.
පොලිසිය පැවසූවේ සිදුවීම සම්බන්ධයෙන් ප්රකාශයක් ලබාදීම සඳහා වවුනියාව මහනගර සභාවේ හිටපු නගරාධිපති සුන්දරලිංගම් කාන්දීපන් මහතා වෙත පොලිසිය වෙත කැඳවීමක් සිදුකොට ඇති බවයි.
පසුගියදා උතුරු පළාත් ආණ්ඩුකාරවරයා විසින් වවුනියාව මහ නගර සභාවේ හිටපු නගරාධිපති වන සුන්දරලිංගම් කාන්දීපන් මහතා ධූරයෙන් පහ කිරීමට අදාළව ගැසට් නිවේදනයක් නිකුත් කොට තිබු බව නගර සභාවේ විපක්ෂ මන්ත්රීවරුන් පැවසූහ.
සිදුවීම සම්බන්ධයෙන් වවුනියාව මහ නගර සභාවේ හිටපු නගරාධිපති සුන්දරලිංගම් කාන්දීපන්ගෙන් විමසීමේදී හෙතෙම පැවසූවේ තමන් මහනුවර පැවැත්වුනගරාධිපතිවරුන් වෙත පැවැත්වු සාකච්ජාවකට සහභාගි වෙමින් සිටියදී පසුගිය ජුනි 24
වැනිදා තමන් ධූරයෙන් ඉවත් කොට ඇති බව තමන්ට දැන ගන්නට ලැබුණු බවයි.
ඒ අනුව පසුගියදා තමන්ගේ කාර්යාලයේ පැවති තමන් පාවිච්චි කළ පෞද්ගලික භාණ්ඩ රැගෙන ඒමට කටයුතු කළ අතර, එහිදි වැරදීමකින් සෙංකෝලයද රැගෙනවිත් ඇති බවයි.
අදාළ සෙංකෝලය නැවත භාරදීමට මහ නගර සභාව වෙත ගිය බවත්, එහිදි එහි සේවකයින් පැවසූවේ මේ සම්බන්ධයෙන් පොලිසියට පැමිණිළි කොට ඇති බැවින් සෙංකෝලය භාර ගැනීමට නොහැකි බවට පැවසූ බවත් ඔහු සඳහන් කළා.
ඒ අනුව අදාළ සෙංකෝලය සකස් කළ පුද්ගලයා වෙත තමන් සෙංකෝලය නැවත භාරදීම සිදුකළ බවද හිටපු නගරාධිපතිවරයා සඳහන් කළා.
