ශ්රී ලංකාවේ පැවැත්වෙන 78 වන අග්නිදිග ආසියානු කලාපීය ජාත්යන්තර සෞඛ්ය සමුළුවේ ප්රධාන ආරාධිත අමුත්තා ලෙස සහභාගීවීම සදහා ලෝක සෞඛ්ය සංවිධානයේ අධ්යක්ෂ ජනරාල් වෛද්ය ටෙඩ්රොස් අද්නාම් ගෙබ්රෙයිසස් අද (12) උදෑසන දිවයිනට පැමිණියා.
ලෝක සෞඛ්ය සංවිධානය විසින් සංවිධානය කරන මෙම සමුළුව හෙට (13) දිනයේ සිට 15 වනදා දක්වා කොළඹ සිනමන් ලයිෆ් හෝටයේ දී පැවැත්වීමට නියමිතයි.
මෙම සමුළුවට අග්නිදිග ආසියානු කලාපයේ රටවල් නියෝජනය කරමින් එම රටවල සෞඛ්ය අමාත්යාවරුන් ද මෙරටට පැමිණීමට නියමිතව තිබෙනවා.
ලෝක සෞඛ්ය සංවිධානයේ අධ්යක්ෂ ජනරාල්වරයා අද (12) පෙරවරු 09.40 ට දෝහා සිට, කටාර් ගුවන් සේවයේ කිව්.ආර්.- 660 දරණ ගුවන් යානයෙන් කටුනායක ගුවන් තොටුපොළ වෙත පැමිණි බවයි දසත නිවුස් තොටුපොළ වාර්තාකරු සඳහන් කළේ.
ඔහුව පිළිගැනීම සදහා සෞඛ්ය සහ ජනමාධ්ය අමාත්යාංශයේ ලේකම් වෛද්ය අනිල් ජාසිංහ, ගුවන් තොටුපොළ විශේෂ අමුත්තන්ගේ මැදිරිය වෙත පැමිණ සිටියා.
