ලොස් ඇන්ජලීස් අළු කරමින් ලැව් ගින්නක් පැතිර යයි (ඡායාරූප)

එක්සත් ජනපදයේ ලොස් ඇන්ජලීස් හි හදිසි තත්ත්වයක් ප්‍රකාශයට පත්කර තිබෙනවා.

ඒ, ලොස් ඇන්ජලීස් හි මේ වනවිට පැතිර යන ලැව් ගින්න හේතුවෙන්.

ලැව් ගින්න පැතිරි යාමත් සමඟ පුද්ගලයන් 30,000කට වැඩි පිරිසක් අනාරක්ෂිත ස්ථානවලින් ඉවත්කර ඇති අතර, ගොඩනැගිලි 13,000ක් පමණ තර්ජනයට ලක්ව ඇති බවයි වාර්තා වන්නේ.

එරට වේලාවෙන් අඟහරුවාදා (ඊයේ) පෙරවරු 10:30 පමණ ගින්න හටගත් අතර, පවතින දැඩි සුළං දහරාව හේතුවෙන් පැතිරී ගොස් ඇති බවයි ලොස් ඇන්ජලීස් ප්‍රාන්තයේ ගිනි නිවීමේ ප්‍රධානී ඇන්තනි මැරෝන් පැවසුවේ.

මේ අතර ලැව්ගින්නෙන් පිටවන දුමාරය හේතුවෙන් ශ්වසන අපහසුතා ඇතිවිය හැකි බවට බලධාරීන් අනතුරු අඟවා ඇති අතර, ලොස් ඇන්ජලීස් කලාපයේ වාතයේ ගුණාත්මක භාවය නිරීක්ෂණය කරමින් සිටින බවයි වාර්තා වුණේ.